صحبت‌ياغشي‌دير



آدم‌ بولسانگ‌ قولاق‌ قويغول‌ اووگيده‌ 
 عالم‌لار يانيندا صحبت‌ ياغشي‌ دير
آتارمان‌ - چاپارمان‌ آلغير ييگيده‌ 
 يري‌ گلسه‌ آمان‌ - نوربات‌ ياغشي‌ دير
 
همراه‌ بولوپ‌ اوتورماغيل‌ پيس‌ بيله‌
پوخا دگسنگ‌، پينينگ‌ دولار ايس‌ بيله‌
گوهر داشين‌ يوزوك‌ اتسنگ‌ ميس‌ بيله‌
 قيمتي‌ اگسيلمز، حرمت‌ ياغشي‌ دير
 
زينهار قصد اتمه‌گيل‌ اييديگينگ‌ نانا 
كونگلونگ‌ خيره‌ باغلا، صدقينگ‌ - ايمانا
هيچ‌ آزار برمه‌گيل‌ بير مسلمانا
اوغري‌ اردن‌، بير دوغري‌ ايت‌  ياغشي‌ دير
 
كاشكي‌ آدم‌ بو دنياگه‌ گلمه‌سه‌
گلندن‌ سونگ‌ عمر سورسه‌ - اولمه‌سه‌
قولدان‌ گلن‌ ياغشي‌ ايشينگ‌ بولماسا
كونگول‌ ايچره‌ ياغشي‌ نيت‌ ياغشي‌ دير
 
مختومقلي‌ نيچيك‌ گچسه‌ روزگار
حقه‌ شكر ات‌، بارما نامرده‌، زينهار
يوق‌ دولتدن‌ يگدير، بولسا بير هونار
مونگ‌ هوناردن‌ ذره‌ دولت‌ ياغشي‌ دير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی