عرش‌اعلايا



يا احمد شاه‌، يرده‌ ياييليپ‌ چاوينگ‌
 آدينگ‌ آسمان‌ گيدر عرش‌ اعلايا
گلن‌ نوكرينگ‌ دير گلمه‌يين‌ آوينگ‌
بييك‌ليك‌ زينه‌سين‌ قال‌ پايا پايا
 
ايرانه‌ قيليچ‌ اور، يوروت‌ سپاهي‌
 باشينگدا برك‌ بولسون‌ دولت‌ كلاهي‌
همايون‌ داغيندا شيرلرينگ‌ شاهي‌
گويا بير نهنگ‌ سن‌ موج‌ دريايا
 
بيشه‌لرينگ‌ آو آنگتايان‌ شيري‌ سن‌ 
 رومستانينگ‌ بيني‌سي‌، دووينگ‌ بيري‌ سن‌
زال‌ اوغلونينگ‌ آلماز پيكان‌ تيري‌ سن‌
 گشتاسب‌ اوغول‌ دك‌ بللي‌ بلايا
 
پيشينگ‌ ايران‌ بولسا، پشتينگ‌ توران‌دير
دوست‌ ايشينگه‌خوشوقت‌،دشمن‌حيران‌دير
اقبالينگ‌ آچيلار، ايشيم‌ روان‌دير
 مرحمت‌ نظ‌رينگ‌ سالسانگ‌ بير جايا
 
فراغي‌ ديير رواج‌ بييرسن‌، سن‌ ديني‌
شاه‌لارينگ‌ شاه‌لاري‌ اسلامينگ‌ زيني‌
امرينگه‌ مط‌يع‌ ات‌ ايران‌ زميني‌
روز و شب‌ ناليشيم‌ بودور خدايا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی