عرب‌ديل‌لي‌،سوودوگيم



بوياديلار كوينه‌گينگني‌ غان‌ بيله‌
آدي‌ بيللي‌، عرب‌ ديل‌لي‌ سوودوگيم‌!
آيراليقدا ياندي‌ آتانگ‌ جان‌ بيله‌
آدي‌ بيللي‌، عرب‌ ديل‌لي‌ سوودوگيم‌!
شام‌ عبالي‌، روم‌ قبالي‌ جانانيم‌!
 
آغلاي‌ - آغلاي‌ جفالارينگ‌ درديندن‌
قورقا- قورقا صحرالارينگ‌ قوردوندان‌
آيريلدينگ‌ آتانگدان‌،كنعان‌ يوردوندان‌
آدي‌ بيللي‌، عرب‌ ديل‌لي‌ سوودوگيم‌!
شام‌ عبالي‌، روم‌ قبالي‌ جانانيم‌!
 
چيپلاق‌ اولدي‌، گل‌ بدنينگ‌ سويولدي‌
داغ‌ هجران‌ سينانگ‌ اوزره‌ قويولدي‌
ييغلاماقدان‌ يعقوب‌ گوزي‌ اويولدي‌
آدي‌ بيللي‌، عرب‌ ديل‌لي‌ سوودوگيم‌!
شام‌ عبالي‌، روم‌ قبالي‌ جانانيم‌!
 
گلدي‌ اول‌ دم‌ قارداشلارينگ‌ بوگورشيپ‌
قورقوسيندان‌ قورتلار گلدي‌ يوگورشيپ‌
گلن‌ غودوق‌ اوسته‌ دوردي‌ تلمورشيپ‌
آدي‌ بيللي‌، عرب‌ ديل‌لي‌ سوودوگيم‌!
شام‌ عبالي‌، روم‌ قبالي‌ جانانيم‌!
 
مختومقلي‌ آيدار، عالم‌ باقيلدي‌
فلك‌ سني‌ مصره‌ آلدي‌، چكيلدي‌
پشمان‌ اديپ‌، آياغينگا ييقيلدي‌
آدي‌ بيللي‌، عرب‌ ديل‌لي‌ سوودوگيم‌!
شام‌ عبالي‌، روم‌ قبالي‌ جانانيم‌!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی