عالي‌سيزينگدير



سور، فتحعلي‌ سردار اوغلي‌،گلدي‌ وقت‌
ينه‌ بو دوران‌ عالي‌ سيزينگدير
كونه‌ آغير دولت‌ تازه‌ ادر بخت‌
بييك‌ليك‌، سردارليق‌ يولي‌ سيزينگدير
 
الياس‌ كيمين‌ ابر چوكن‌ سوولاردا
قوس‌ كيمين‌ دومان‌ دوشن‌ داغلاردا
گنجلي‌ شهر، خضر گزن‌ چوللرده‌
قادر برن‌ دنيا مالي‌ سيزينگدير
 
بخششينگ‌ بند ادر بيلر-بيلمزي‌
اقبالينگ‌ نيست‌ ادر دوغري‌ گلمزي‌
دكان‌ كاني‌ ـ جهانگيرينگ‌ آلمازي‌
بدخشانينگ‌ معدن‌ لعلي‌ سيزينگدير
 
قهرينگيزا قالان‌ ـ قوما بولاشار
كرمنگيزه‌ دوشان‌ ـ عرشا اولاشار
بييك‌ليك‌ بساط‌ي‌ سيزه‌ ياراشار
فريدونينگ‌ فرد اقبالي‌ سيزينگدير
 
سمرقند تختيندا قورلان‌ يايلارا
مهدي‌گه‌ دنگ‌ خلف‌سيز سرپايلارا
سليمان‌ دك‌ سوزونگ‌ يورير سوولارا
اسكندر دك‌ دريا سالي‌ سيزينگدير
 
مشرقا يوز اوروپ‌ چيقسانگ‌ خراسان‌
اول‌ كرد سيزينگدير، سونگرا يازيرخان‌
زيرپاي‌ اتسه‌نگيز عراق‌، اصفهان‌
داغستان‌ حشمي‌ ـ خيلي‌ سيزينگدير
 
سوزوم‌ يرده‌ قالماز، دييديگيم‌ گلر
نظ‌ريم‌ كيميادير، ميس‌ آلتين‌ بولار
پارسا چوكن‌ دولت‌ سيزه‌ اوورولر
ايندي‌ بو دنيانينگ‌ ميلي‌ سيزينگدير
 
ارنلر جم‌ بولوپ‌، باشينگ‌ دالدارلار
خضر، الياس‌ ركابينگيز يلدارلر
اون‌ بير امام‌ قولونگيزدان‌ قولدارلار
جلاونگيزدا امام‌ علي‌ سيزينگدير
 
مختومقلي‌ آيدار، روم‌ دك‌ اويانماز
اسكندر قارسي‌دير دووولمز، سينماز
داغ‌ كيمين‌ دپرنمز، دريا دك‌ دونمز
يوموت‌-گوكلنگ‌ اهلي‌ايلي‌ سيزينگدير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی