فاش‌بولمازسن‌



گل‌ كونگلوم‌، گنگش‌ اده‌لي‌
سوزله‌مه‌ين‌ فاش‌ بولماز سن‌
فاني‌ دير بو يالان‌ دنيا
بير گون‌ آندان‌ خوش‌ بولماز سن‌
 
بير گل‌ دير سن‌ هم‌ خوشلار سن‌
ينه‌ بير گون‌ آغاچلار سن‌
هم‌ داشلار سن‌، هم‌ ديشلار سن‌
ينه‌ بيزدن‌ داش‌ بولماز سن‌
 
حقينگ‌ امري‌دير، نتر سن‌
سن‌ بيزيم‌ چون‌ بير كتير سن‌
گله‌ني‌ قارشي‌ يووتار سن‌
بير دم‌ بيزدن‌ بوش‌ بولماز سن‌
 
اول‌ دوست‌ بولوپ‌ گولدير سن‌
بير آز ايزينگدان‌ يلدير سن‌
بير گون‌ باسالاپ‌ اولدير سن‌
باقي‌ قارينداش‌ بولماز سن‌
 
مختومقلي‌ بيلميش‌ حالي‌
سن‌ بو يورتدا دال‌ بنالي‌
توبه‌ دييپ‌، حقا دونالي‌
ايمدي‌دن‌ سونگ‌ ياش‌بولمازسن‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی