فلكي‌دير



سريميزده‌ سودا سالان‌
گوزل‌ حقينگ‌ فلگي‌دير
شيط‌ان‌ چيقار دينگله‌ماگه‌
ييلديزلار آنگا ياغي‌دير
 
قلم‌ يازاندا سر خط‌ي‌
عاصي‌ يازميش‌ بيز امتي‌
آدم‌ آتانينگ‌ صلبتي‌
 يدي‌ يرينگ‌ توپراغي‌دير
 
اگر سوزه‌ برسنگ‌ قولاق‌ 
فرشته‌لر دورار لك‌-لك‌
گوك‌ گوترن‌ سكيز ملك‌
"لا اله‌" ديله‌گي‌دير
 
خليل‌ گلدي‌ تيغ‌ چكماگه‌
اوغلوني‌ قربان‌ اتماگه‌
قويماغان‌ قانين‌ دوكماگه‌
جبراييلينگ‌ يله‌گي‌دير
 
قورت‌ آغلار يعقوب‌ يانيندا
 دلدل‌ علي‌نينگ‌ شانيندا
عيسي‌ اشه‌گين‌ موننده‌
سيغير موسي‌ اولاغي‌دير
 
تانگري‌ ياراتدي‌ حيواني‌
بهشت‌ گورمز مخشر گوني‌
سكيز حيوانينگ‌ مسكني‌
 دييرلر: جنت‌ بولاغي‌دير
 
عجب‌ يرلر، عجب‌ جايلار 
گون‌ قيزديرماز،باتماز آيلار
بهشتينگ‌ اوتلاغين‌ يايلار
حوض‌ كوثر سوولاغي‌دير
 
نمرود حقه‌ اوق‌ تاشلادي‌
شداد بير جنت‌ باشلادي‌
دورت‌ يوز ييلليقدا ايشله‌دي‌
 آدي‌ هم‌ ارم‌ باغي‌دير
 
مختومقلي‌، سوز باقيسي‌
گوزونده‌ غفلت‌ اوقوسي‌
قارشينگدا اجل‌ ساقيسي‌
غافل‌ آدم‌ دوزاغي‌دير


تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی