فعلينگ‌سنينگ



‌اوغري‌ بولسانگ‌ دينگله‌گيل‌، بولغاي‌ نيچيك‌ حالينگ‌ سنينگ‌
كيشي‌ ماليندا گيدر كونگلونگ‌، گوزونگ‌ فعلينگ‌ سنينگ‌
مثلي‌ شيط‌ان‌ آلداوي‌دير، مكر و آلينگ‌ سنينگ‌
بو يالانچي‌ليق‌ بيله‌ اوتگاي‌ ماه‌ و سالينگ‌ سنينگ‌
دوزخا دوغري‌ بارار، بالله‌، گيدن‌ يولونگ‌ سنينگ‌
 
تانگلا محشر ايت‌ بولوپ‌، اينگرانيپ‌ اييگاي‌ سن‌ اتينگ‌
يوزوني‌ گورمز محمد، سن‌ كيبي‌ پيس‌ امتينگ‌
هم‌ او دنيا شفاعتينگ‌ بولماز بو دنيا دولتينگ‌
هر زمان‌ هر ساعت‌ ايچره‌ آرتديرارلار محنتينگ‌
بو جحيم‌ ايچره‌ توتار موي‌لر ساغ‌ و سولونگ‌ سنينگ‌
 
آغلايير سن‌، گوزلريندن‌ ياش‌ يرينه‌ قان‌ گيديپ‌
مونچا محنت‌لر چكيپ‌، گووسينگ‌ ديليپ‌، ويران‌ اديپ‌
ايسسي‌ برمز باشينگا، توپراق‌ ساچيپ‌، گريان‌ اديپ‌
قيلچا ايسسي‌ گورمه‌گاي‌ سن‌ داغ‌ قدر پشيمان‌ اديپ‌
دوكيلر قايدپ‌ دهانينگدان‌ پوخونگ‌ - بولونگ‌ سنينگ‌
 
اول‌ محمد قارشي‌سيندا هم‌ اويالغاي‌ سن‌ او گون‌
گر اولوم‌ بولسا ايدي‌، ايستاردينگ‌ اولگاي‌ سن‌ او گون‌
گرزي‌ آستيندا ملك‌ ضربيندا قالغاي‌  سن‌ او گون‌
اول‌ خريش‌ آتليغ‌ ييلانغا لقمه‌ بولغاي‌ سن‌ او گون‌
مايمينينگ‌ صوراتيندا بولغاي‌ كي‌، تمثالينگ‌ سنينگ‌
 
آيديار مختومقلي‌، گورسنگ‌ گناهينگ‌، اي‌ گوزوم‌
چكيلر قيلدان‌ - قيلا، محشر حسابينگ‌، اي‌ گوزوم‌
يوز قارا، ديل‌ قيسغادير، بولماز جوابينگ‌، اي‌ گوزوم‌
مال‌ ايه‌سي‌گه‌ او گون‌ بيير سن‌ ثوابينگ‌، اي‌ گوزوم‌
هم‌ گناهينگ‌ بوينونگا قويغاي‌ بودور حالينگ‌ سنينگ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی