آل‌ادر


دوستلار، بيل‌ باغلامانگ‌ كونه‌ دنياگه

 بو دنيا بازيگر، بيلينگ‌، آل‌ ادر

اوزونگي‌ تاشلايير دريا دويبونه

آلار جانينگ‌، سوزلار تيلينگ‌ لال‌ ادر

 

خوش‌سوزله‌گيل‌، بير مسافر دوش‌گلسه‌

 خرسند بولار غريب‌ كونگلي‌ خوش‌گلسه‌

قوچ‌ ييگيده‌ يامان‌ خاتين‌ دوش‌ گلسه‌

يگريم‌ باشده‌ ساچ‌ ساقغالينگ‌ چال‌ ادر

 

كمالليق‌ سوزوندن‌ جان‌ بولار تازه‌

بي‌پروانينگ‌ شكلي‌ منگزار دونگوزا

بو دنيا دونوپدير بير چويروك‌ حوزا

گورونگ‌، آدمزادي‌، نه‌ خيال‌ ادر؟!

 

ييگيت‌ بار، گپلتسنگ‌، چولونگ‌ حيواني‌

ييگيت‌ بار، گپلتسنگ‌، جانينگ‌ سويه‌ني‌

اري‌ ار خاتيندان‌ دوغان‌ كيواني

اوزي‌ ايل‌-گون‌ خذمتيندان‌ يول‌ ادر

 

ناپسند ايش‌ چيقماز آندان‌ هيچ‌ سوزده‌

ياقين‌ و ياديني‌ بيلر بير گوزده‌

ايكي‌ خصم‌ شيط‌ان‌ سالسا انگيزده

دوشسه‌ آرا، زهر آغزين‌ بال‌ ادر

 

مختومقلي‌ آيدار، دنيانينگ‌ ايشي

سوزونگ‌ معنيسينا يتمز هر كيشي‌

هر كيمسانينگ‌ اولسه‌ دوغان‌ قارداشي

فلك‌ آنينگ‌ الف‌ قدين‌ دال‌ ادر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی