آطی گرك


آد قازانار قوچ‌ ييگيدينگ‌

اول‌ بدو آط‌ي‌ گرك‌

گلنه‌ قارشي‌ چيقماغا

ياغشي‌ محبتي‌ گرك‌

 

مرد گرك‌ جفا چكماگه‌

آط‌ گرك‌ دره‌ سوكماگه‌

سفره‌ ياييپ‌، نان‌ دوكماگه‌

كونگلونينگ‌ همتي‌ گرك‌

 

ال‌ گوترگيل‌ خام‌ خيالدان‌

سانگا ايسسيغ‌ يوقدور مالدان‌

روزگار گچسه‌ حلالدان‌

عارفلار صحبتي‌ گرك‌

 

يوريسنگ‌ قوللوق‌ قيلماغا

پيغامبر يولون‌ بيلماگه‌

درويش‌لر كونگلون‌ آلماغا

الينده‌ دولتي‌ گرك‌

 

مختومقلي‌ بير گداي‌دير

بارچاني‌ ساقلان‌ خداي‌دير

اگر مسكين‌، اگر باي‌دير

گلنه‌ خدمتي‌ گرك‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی