آط ‌يانيندابللي‌دير


اشك‌ اوزون‌ اگسيك‌ سايماز بدودن‌

قيمت‌ اتسنگ‌، آط‌ يانيندا بللي‌دير

بدو دييگچ‌، بولماز همه‌ بدو دنگ‌

چين‌ بدولر ميدانيندا بللي‌دير

 

اوغلانليقدا بيلمز ايدينگ‌، بگ‌ ايدينگ‌

يامانا هيچ‌ يوقماز سوزونگ‌، اوويدينگ‌

عارف‌ بولسانگ‌، اصلين‌ سورما ييگيدينگ‌

ادبينده‌، اكراميندا بللي‌دير

 

بو جهاندان‌ دويماز گوزونگ‌، سير بولماز

هر تيلكي‌دن‌ يولبارس‌ بولماز، شير بولماز

ييگيت‌ دييگچ‌، همه‌ ييگيت‌ بير بولماز

قوچ‌ ييگيت‌لر ميهمانيندا بللي‌دير

 

دولت‌ قونسا قوچ‌ ييگيدينگ‌ باشيندا

حمايتلي‌ ايلي‌ گرك‌ داشيندا

ييگيت‌ اوزون‌ معلوم‌ ادر ايشينده‌

قيليجيندا، زبانيندا بللي‌دير

 

مختومقلي‌، غريب‌لارينگ‌ گوز ياشي‌

داغلاري‌ يانديريپ‌، اريدر داشي‌

فقيره‌ جبر ادن‌ ظ‌المينگ‌ ايشي‌

روز محشر ديوانيندان‌ بللي‌دير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی