آط‌چابولماز


خرينگ‌ ايشي‌ خردير دوستلار

مونگ‌ ماغتاسانگ‌، آط‌چا بولماز

بداصلا عمل‌ يتسه‌

بيلينگ‌، اصل‌زاداچا بولماز

 

فاني‌ دنياگه‌ اينانمانگ‌

آلتين‌ ـ كوموشه‌ قووانمانگ‌

گييولره‌ كونگول‌ برمانگ‌

بير دوغان‌ ذرياتچا بولماز

 

كوپ‌ يوللارني‌ گورسه‌ گوزونگ‌

هر معني‌دان‌ بيلسنگ‌ اوزونگ‌

بير نادانا آيدان‌ سوزونگ‌

اوسوپ‌ گيدن‌ بادچا بولماز

 

باشينگ‌ ياسسيغا يتنده‌

صبر، قرار بولماز سنده‌

گويجونگ‌ - قواتينگ‌ گيدنده‌

اوغول‌ - قيزينگ‌ يادچا بولماز

 

مختومقلي‌، عجب‌ چاغلار

كيمسه‌ گولر، كيمسه‌ آغلار

دورلي‌ ميوه‌ برن‌ باغلار

ساويلار، جنت‌چه‌ بولماز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی