آرتسا گركدير


قاچان‌ ياقين‌ بولسا آخرزمانا

 فساد ايش‌ گون‌ گوندن‌ آرتسا گركدير

خلقينگ‌ ايله‌گه‌ني‌  فعلي‌ يامانا

خيراتدان‌ اللرين‌ تارتسا گركدير

 

عالم‌لار، درويشلر سوزلارلر ساغي‌

رعيتلر بولار پادشا ياغي‌

مسلمانلار بولوپ‌ بير بيرگه‌ ياغي‌

اوغلان‌ اوشاقلارين‌ ساتسا گركدير

 

دورلي‌ دورلي‌ بلا عالمگه‌ گلگه‌ي‌

مدرسه‌ده‌ علم‌ اوقيماق‌ قالغاي‌

عالم‌لار خمر ايچيپ‌، زنالار قيلغاي‌

ضلالت‌ بحرينه‌ باتسا گركدير

 

دجال‌ ديين‌ يامان‌ كافر بولارميش‌

اصفهان‌ شهريندن‌ خروج‌ قيلارميش‌

اوزاقدان‌ ير يوزون‌ تمام‌ آلارميش‌

عيسي‌، مهدي‌ هلاك‌ اتسه‌ گركدير

 

نوحينگ‌ اوغلي‌ يافث‌ اول‌ هم‌ اولاددير

 مسلمانلار ايشي‌ آهي‌ فرياددير

ياجوج‌ ماجوج‌ دييگن‌ ط‌رفه‌ زاتددير

قاف‌ داغيني‌ دشيپ‌ گلسه‌ گركدير

 

ير اوورولر دييرلر ينه‌ اوچ‌ جايدان‌

دابالارض‌ چيقار نيچه‌ ييل‌، آيدان‌

شريعت‌ گوترلر فقيردان‌، بايدان‌

 يوز بيليك‌ جهاني‌ توتسا گركدير

 

عالم‌ تيترار ظ‌الملارينگ‌ ظ‌لميندان‌

هيچ‌ كيمسه‌ سوراماز مظ‌لوم‌ حاليندان‌

بير اولوغ‌ اوت‌ چيقار يمن‌ شهريندن‌

خاص‌ و عام‌ بارچاني‌ سورسا گركدير

 

موني‌ اسرافيلا فرمان‌ ايله‌گه‌ي‌

اسرافيل‌ هم‌ شول‌ دم‌ صوريني‌ اورغاي‌

بارچا جاندار اشديپ‌، بيردن‌ جان‌ برگه‌ي‌

يالنگيز مولام‌ اوزي‌ قالسا گركدير

 

قيرق‌گون‌ ياغمير ياغار، آي‌، گون‌ بيلينمز

هوانينگ‌ يوزوندن‌ دومان‌ آيريلماز

سوو چكيلر، جهان‌ قورير، نم‌ بولماز

قيرق‌ ييل‌ شيله‌ بولوپ‌ دورسا گركدير

 

اسرافيل‌ هم‌ قالماز ينه‌ جبرائيل‌

ميكائيل‌ و فرقائيل‌ و روائيل‌

بارچاسينينگ‌ جانين‌ آليپ‌ عزرائيل‌

ينه‌ اوز جانيني‌ آلسا گركدير

 

قيرق‌ ييلدان‌ سونگ‌ ينه‌ خالق‌ الاشيا

اسرافيلني‌ ينه‌ ايله‌ييپ‌ احيا

"اورغيل‌ صورونگني‌!" دييپ‌ ايله‌يير ندا

اسرافيل‌ صوروني‌ اورسا گركدير

 

قورت‌ قوش‌ بيلن‌ بارچا آدم‌ ديريلر

تربتي‌ مقرب‌ ملايكا يورولر

بير براغا ط‌لا اگر قويولار

محمده‌ انعام‌ بولسا گركدير

 

تربتي‌ مقرب‌ ملايك‌لر گزرلر

بير براغي‌ ط‌رفه‌ عجب‌ بزارلر

ط‌لا اگر لعلي‌ گوهر دوزرلر

محمد قبرينه‌ گلسه‌ گركدير

 

صدا چيقار فرشتانينگ‌ بيريندن‌

 "تورغول‌، محمد!" ديييپ‌ ياتان‌ يريندن‌

"لبيك‌!" ديييپ‌ تورار ياتان‌ يريندن‌

"واي‌، امتيم‌!" ديييپ‌ دورسا گركدير

 

رسول‌ جبرائيلدان‌ اول‌ دم‌ سوراغاي‌

"امتيمينگ‌ حالي‌ نه‌ بولدي‌؟" دييگه‌ي‌

ير اوزره‌ باشيني‌ سجداگه‌ قويغاي‌

 سونگرا حقدان‌ اط‌عام‌ بولسا گركدير

 

"مقصدينگ‌ امتينگ‌ بولسا حبيبيم‌

 برديم‌ لايق‌ بولسا قايسي‌ بهشتيم‌

بهشت‌ ايچره‌ باريپ‌ بولونگلار مقيم‌"

تانگري‌ بيله‌ احسان‌ اتسه‌ گركدير

 

يوسف‌ جماليندا، تاجي‌ زر باشيندا

 ييگيت‌، قارري‌ هم‌ اوتوز باش‌ ياشيندا

ذوقي‌ تماشالار سوررلر آندا

 قايغي‌، غم‌ غصه‌لار قاچسا گركدير

 

ينه‌ گوركزمه‌دينگ‌ نازي‌ نعمتلار

كونگوله‌ گچمه‌ديك‌ عيش‌ و عشرتلار

باش‌ يوز ييلليق‌ بلندليگي‌ اول‌ تختلار

مومن‌ قوللار آنگا مونسه‌ گركدير

 

اوشول‌ قايغي‌ غملي‌، حسرتلي‌ گونده‌

تانگري‌ قاضي‌ رسول‌ شفقت‌ قيلاندا

مختومقلي‌ عاصي‌، كمينه‌ بنده‌

شفاعتدان‌ اميد اتسه‌ گركدير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی