آيريلمادي‌مي‌؟


نوروندان‌ ياراتدي‌ ايكي‌ عزيزي‌

بوغداي‌ ايييپ‌، بهشتدن‌ آيريلمادي‌ مي‌؟

اوچ‌ يوز ييل‌ آغتاريپ‌، سرگزدان‌ بولوپ‌

آدم‌ حواسيندان‌ آيريلمادي‌ مي‌؟

 

آدم‌ آتا حج‌ ايله‌دي‌ باش‌ بيلن‌

يوزون‌ يوودي‌ گوزدن‌ آقان‌ ياش‌ بيلن‌

قابيل‌ اوردي‌ اول‌ هابيلي‌ داش‌ بيلن‌

ايني‌ آغاسيندان‌ آيريلمادي‌ مي‌؟

 

اولا ير يوزي‌ كفرده‌ بولدي‌

نوحونگ‌ عذاب‌ سووي‌ جهانا دولدي‌

مسلمان‌ بولانلار كشتي‌گه‌ موندي‌

نوح‌ هم‌ اوز اوغلوندان‌ آيريلمادي‌ مي‌؟

 

پيغامبر، پادشاه‌، خليفه‌ بولوپ‌

قولونا مهر آليپ‌، نصيحت‌ قيليپ‌

بير گوني‌ كونگلونه‌ من‌-منليك‌ گليپ‌

داوود قيرق‌ اوغلوندان‌ آيريلمادي‌ مي‌؟

 

داوود اولدي‌، فرزندينه‌ ير قالدي‌

خداييمدان‌ آنگا بير يوزوك‌ گلدي‌

نوردان‌ بولان‌ اول‌ يوزوكني‌ دوو آلدي‌

سليمان‌ تختيندان‌ آيريلمادي‌ مي‌؟

 

حقينگ‌ اوزي‌ بيلن‌ سوزله‌شن‌ موسي‌

اول‌ وقتدا يوق‌ ايدي‌ آنينگ‌ دك‌ رسا

بي‌بي‌ مريم‌ اوغلي‌ ـ حضرت‌ عيسي‌

قاچيپ‌، كافرلاردان‌ آيريلمادي‌ مي‌؟

 

ابراهيم‌ پيغامبر دنياگه‌ گلدي‌

آرزو آرمان‌ بيلن‌ هاجرني‌ آلدي‌

كوپ‌ اوت‌ ياقيپ‌، نمرود اول‌ اودا سالدي‌

نمرود اوز قيزيندان‌ آيريلمادي‌ مي‌؟

 

يعقوب‌ آغلاپ‌، عاجز بولدي‌ گوزوندن‌

هيچ‌ پيدا تاپمادي‌ آيتغان‌ سوزوندن‌

آرزولي‌ ياريندان‌، گل‌ دك‌ يوزوندن‌

يوسف‌ زليخادان‌ آيريلمادي‌ مي‌؟

 

پيغامبر، چاريار ياشين‌ دوكردن‌

 شيخ‌لر مريديندان‌، شاه‌لار نوكردن‌

ط‌وط‌ي‌ همراهيندان‌، زنبور شكردن‌

بلبل‌ گلستاندان‌ آيريلمادي‌ مي‌؟

 

مختومقلي‌ تعليم‌ آلغيل‌ اوستاددان‌

بو دنياده‌ هر كيم‌ گچر بير آتدان‌

ليلي‌ مجنونيندان‌، شيرين‌ فرهاددان‌

وامق‌ عذراسيندان‌ آيريلمادي‌ مي‌؟

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی