آخرزمان‌گلر


 اي‌ يارانلار، مسلمانلار

بير گون‌ آخر زمان‌ گلر

كوه‌ قاف‌ داغيندان‌ آشيپ

دجال‌ اول‌ دم‌ روان‌ گلر

 

اوشبو دنيادن‌ گچن‌لر

حقينگ‌ شرابين‌ ايچن‌لر

آتاسيغا ياش‌ بچه‌لر

سوو گوتريب‌ روان‌ گلر

 

خداييمينگ‌ رحمتي‌ دييپ‌

حق‌ بويريغين‌ قيلمادي‌ دييپ‌

سحر خداغا ييغلادي‌ دييپ‌

سكيز بهشت‌ خوبان‌ گلر

 

امت‌لارا شفقتي‌ دييپ‌

محمدينگ‌ امتي‌ دييپ‌

اوچماخ‌ ايچره‌ گيرينگ‌لر دييپ

خداييمدان‌ فرمان‌ گلر

 

جهاندان‌ اوتدي‌ نه‌ جانلار

موندا قيليپ‌ خير احسانلار

اي‌ يارانلار، مسلمانلار

آندا تخت‌ روان‌ گلر

 

مختومقلي‌ خيرات‌ اتسنگ

غريب‌ گوونوني‌ شاد اتسنگ‌

پل‌ صراط‌دان‌ اوتن‌دن‌ سونگ‌

موندا برگن‌ قربان‌ گلر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی