آبادقالسين


سحر تور، خدايه‌ يالبار

اسلام‌ اويونگ‌ آباد قالسين‌

ياماني‌ قوي‌، ياغشا يول‌ بر

شيطان‌ ايشي‌ بيباد قالسين‌

 

ياغشي‌ سوزه‌ قولاق‌ سالغيل‌

سحر وقتي‌ بيدار بولغيل‌

ياغشي‌لاردان‌ آلقيش‌ آلغيل‌

عمرينگ‌ آرتيپ‌، زياد قالسين‌

 

آدمزاد گوزدن‌ سيپينچا

ياددان‌ چيقار قان‌ كپينچا

مونگده‌ بير رباط‌ ياپينچا

حقدان‌ ديله‌، اولاد قالسين‌

 

پيس‌ خاتين‌ باشا محنت‌ دير

دنيانينگ‌ مالي‌ نوبت‌ دير

ييگيده‌ اوغول‌ دولت‌ دير

مال‌ قالينچا، ذريات‌ قالسين‌

 

ييگيت‌ خوشي‌ آط‌ - ياراغ‌ دير

هر ايشه‌ جرات‌ گرك‌ دير

پيس‌ اوغولدان‌ ياغشي‌راق‌ دير

فراغي‌، ياغشي‌ آد قالسين‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی