آيريلما


مستانا يورينچانگ‌ غيري‌ يوردوندا

اونوپ‌ اوسن‌ اوز يوردونگدان‌ آيريلما

مغرور كاكيليك‌ دي‌ نفسينگ‌ اوغروندا

 داما دوشوپ‌، قاناتينگدان‌ آيريلما

 

توكل‌ ات‌، خلقه‌ سيرينگ‌ بريپ‌ بار

صبر ايله‌گيل‌، بي‌صبرليق‌ هم‌ بيكار

هر يره‌ بارسانگيز، نصيبانگيز بار

"باي‌ بولاي‌!" دييپ‌، هزتينگدن‌ آيريلما

 

نامردلار هم‌ مخنث‌لر ـ ناچارلار

دوزونگ‌ ايييپ‌،ايشينگ‌ بولسا قاچارلار

سيرينگني‌ فاش‌ اديپ‌، عيبينگ‌ آچارلار

 قدرينگ‌ بيلن‌ الفتينگدن‌ آيريلما

 

گدالارينگ‌ كونگلي‌ شاليق‌ني‌ ايستير

نادان‌ كونگلي‌ يالغان‌ سوزه‌ راست‌ دييير

بي‌قدرلار دوشمانينگا دوست‌ دييير

تعليم‌ برن‌ اوستادينگدان‌ آيريلما

 

كيمسه‌ قاششاق‌ بولوپ‌، كيمسه‌ باي‌ بولار

هر كيمسانينگ‌ بختي‌ - اقبالي‌ بيلر

هرنه‌ گلسه‌ باشا، تيلينگدن‌ گلر

مختومقلي‌ خلق‌ ياديندان‌ آيريلما

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی