آيادوندي‌


يوزي‌ ماه‌ تابانيم‌

گون‌ يالي‌، آيا دوندي‌

چرخ‌ اولدي‌ نردبانيم‌

گوك‌ پايا - پايا دوندي‌

 

بير گون‌ عاشق‌ شوخ‌ اولدي‌

غم‌ غصه‌سي‌ چوخ‌ اولدي‌

هر كيرپيگينگ‌ اوق‌ اولدي‌

قاشلارينگ‌ يايا دوندي‌

 

عاشقي‌ سالدينگ‌ اودا

قويدونگ‌ گيتدينگ‌ اويادا

گون‌ اورتا بردينگ‌ وعده‌

وقت‌ گچدي‌، سايا دوندي‌

 

جان‌ قالمادي‌ بدنده‌

يانار من‌ آه‌ ادنده‌

گوزوم‌ گليپ‌، گيدنده‌

هر گونوم‌ آيا دوندي‌

 

مونگ‌ سودام‌ بار، بير باشيم‌

قويدوم‌ ايليم‌، قارداشيم‌

آغلاماقدان‌ گوز ياشيم‌

جوشغونلي‌ چايا دوندي‌

 

يارينگ‌ كونگلي‌ چاغ‌ اولدي‌

عاشقلار توسساغ‌ اولدي‌

دالدا يريم‌ داغ‌ اولدي‌

دوز يريم‌ قايا دوندي‌

 

ايستار من‌ گونده‌-گونده‌

ييغلار من‌ تونده‌-تونده‌

هر زلفينه‌ بير بنده‌

خوي‌ سايا-سايا دوندي‌

 

دال‌ پوداقلار اگيلدي‌

گوچدي‌ بلبل‌، داغيلدي‌

آقار سوولار سوغولدي‌

چول‌ يرلر سويا دوندي‌

 

درمان‌ بولماز علاجا

زات‌ برمزلر محتاجه‌

بايلار دوندي‌ غلا جا

فقيرلار بايا دوندي‌

 

مختومقلي‌ گزنده‌

حلب‌، قيصر دوزونده‌

گوزل‌ يارينگ‌ ايزيندا

عمريميز ضايا دوندي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی