آندابار


ايلكي‌ قات‌ زمينينگ‌ آدي‌ رمكا دير

عقيم‌ آدلي‌ ياويز ايل‌لر آندا بار

يتميش‌ مونگ‌ فرشته‌ آندا ساقلاو دير

مونگ‌ قايم‌ بوروندوق‌ باغلار آندا بار

 

ايكينجي‌ قات‌ يرينگ‌ آدي‌ خلده‌دير

قويروغي‌ نيزه‌ دك‌ كژدم‌ آندا دير

عاصي‌ آدم‌ اوچين‌ گوزي‌ يولدا دير

نر، بوغرا صفتلي‌ موي‌لر آندا بار

 

آلتي‌ يوز آلتميش‌ دير اونگورغا داشي‌

هر بيرنينگ‌ آلتي‌ يوز آلتميش‌ دير باشي‌

هر باشدا آلتي‌ يوز آلتميش‌ دير ديشي‌

داغلار دوزمز بد آغولار آندا بار

 

اوچونجي‌ ير آدي‌ قرقائيل‌ آفاق‌

اودي‌ دميردن‌دير، تاب‌ اتمز توپراق‌

دوزخ‌لاري‌ باردير داغدان‌ اولوغ‌راق‌

حقيقت‌ ايمان‌سيز قوللار آندا بار

 

دوردونجي‌ قات‌ يرينگ‌ آدي‌ دير خرفه‌

ييلانلارينگ‌ ديشي‌ درخت‌ خرما

ايسسيغي‌ كويدوريپ‌، اولتورر تير ماه‌

تن‌، جان‌ دوزمز، دينماز واي‌لار آندا بار

 

باشينجي‌ ير آدي‌ ملغاز زمين‌ دير

آلماز داش‌ اورارلار هر كيم‌ بي‌دين‌ دير

آلتينجي‌ قات‌ يرينگ‌ آدي‌ سجين‌ دير

تاموغليق‌ بولاجاق‌ جانلار آندا بار

 

يدينجي‌ ير آدي‌ غريبه‌ دالدا

دوزخدان‌ وهم‌ ايله‌ خداني‌ بيل‌-ده‌

شيط‌ان‌ آندا اينيپ‌ چيقار هر ييلدا

فراغي‌ ديير، يامان‌ گون‌لر آندا بار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی