آمان‌هي


حديث‌دان‌، روايت‌ بير سوز دييه‌يين‌

هيهات‌ گوندن‌، ظ‌لمت‌ گوندن‌ آمان‌ هي‌

تانگري‌ قوللارينا آشكار اده‌يين‌

هيهات‌ گوندن‌، ظ‌لمت‌ گوندن‌ آمان‌ هي‌

 

اوتوز ايكي‌ مونگ‌ ييلدان‌ بير زات‌ گلرميش‌

آدي‌ دجال‌، اوزي‌ كافر بولارميش‌

ساغيندان‌،سولوندان‌ دورت‌ داغ‌ يوريرميش‌

هيهات‌ گوندن‌، ظ‌لمت‌ گوندن‌ آمان‌ هي‌

 

"تانگري‌ من‌ ديرين‌" ديييپ‌، ادر تلاشي‌

مهدي‌ آنينگ‌ بيرله‌ قيلار سووه‌شي‌

دورت‌ شهره‌ گيررميش‌ اسلام‌ قارداشي‌

هيهات‌ گوندن‌، ظ‌لمت‌ گوندن‌ آمان‌ هي‌

 

جانگلار آسيب‌ گلر اشك‌ بوينونا

مسلمانلار گيرمز آنينگ‌ اوينونا

كافرلار حق‌ بيليپ‌ گيرر دينينه‌

هيهات‌ گوندن‌، ظ‌لمت‌ گوندن‌ آمان‌ هي‌

 

دجال‌ حلقه‌ اورار، كعبه‌ اووريلر

بولوتلار يوگريشيپ‌، ط‌وفان‌ قوريلار

ط‌يرا ابابيل‌دن‌ كافر قيريلار

هيهات‌ گوندن‌، ظ‌لمت‌ گوندن‌ آمان‌ هي‌

 

عيسي‌، صاحب‌ زمان‌ گلر شول‌ دمده‌

عدل‌ بولوپ‌ وزير بولار اول‌ گونده‌

توتارلار دجالي‌، اولديرلر آنده‌

هيهات‌ گوندن‌، ظ‌لمت‌ گوندن‌ آمان‌ هي‌

 

اوچ‌ مرتبه‌ قاچار دجال‌ اشه‌گي‌

قوتارماز هيچ‌ يره‌ مهدي‌نينگ‌ آط‌ي‌

شول‌ وقتدا گوترلر قرآنينگ‌ خط‌ي‌

هيهات‌ گوندن‌، ظ‌لمت‌ گوندن‌ آمان‌ هي‌

 

اشيديپ‌ شوني‌ ياجوج‌ گلر قيرق‌ ييلدان‌

قاف‌ داغيني‌ دشيپ‌ گلر بير يردن‌

يوق‌ ادر زات‌ قويمان‌ فاني‌ دنيادن‌

هيهات‌ گوندن‌، ظ‌لمت‌ گوندن‌ آمان‌ هي‌

 

مختومقلي‌ آيدار سوزينگ‌ سره‌سين‌

حقدان‌ اوزگه‌ هيچ‌ كيم‌ بيلمز چاره‌سين‌

ياجوجدان‌ سونگ‌ گورر محشر غوغاسين‌

هيهات‌ گوندن‌، ظ‌لمت‌ گوندن‌ آمان‌ هي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی