آلنينگدا


 نا گونونگه‌ شاد بولار سن‌، آدمزاد

سانسيز خط‌ر آه‌ و زارلار آلنينگدا

نيچيك‌ ط‌اقت‌ قيلار بير مشت‌ توپراق‌

 يدي‌ دوزخ‌ آدلي‌ نارلار آلنينگدا

 

بي‌وفادا باش‌ گون‌ بولان‌ شادينگا

 آلدانماغين‌، اول‌ گون‌ دوشر يادينگا

تانگلا اوندا هيچ‌ كيم‌ يتمز دادينگا

قبر، لحد ديين‌ دارلار آلنينگدا

 

بيلر سن‌، بي‌وفا، اعتبارينگ‌ يوق‌

 يامان‌ ايش‌ قيلماقدان‌ اوزگه‌ كارينگ‌ يوق‌

اي‌ بي‌غيرات‌، ناميسينگ‌ يوق‌، عارينگ‌ يوق‌

 خوف‌ و خط‌ر بي‌شمارلار آلنينگدا

 

ذره‌-ذره‌ بير-بير سورسالار حساب‌

 روسياه‌، شرمنده‌، برر سن‌ جواب‌

ايستار سني‌ برمك‌ اوچين‌ قين‌ عذاب‌

يوز مونگ‌ سانسيز خريدارلار آلنينگدا

 

اشيت‌ بو دم‌ اگر بولسانگ‌ غيرات‌لي‌

حالينگ‌ بولار گونبه‌-گوندن‌ هيهات‌لي‌

چيقايين‌ دييپ‌ اوتوريپ‌دير هيبت‌لي‌

بوغرا كيبي‌ اولوغ‌ مارلار آلنينگدا

 

غافل‌ بولوپ‌ امر معروف‌ اتمه‌سنگ‌ 

بيليپ‌ دوروپ‌، دوغري‌ يولا گيتمه‌سنگ‌

آخرت‌ ياراغين‌ موندا توتماسانگ‌

 پيداسيز پشيمان‌، زارلار آلنينگدا

 

مختومقلي‌، نچون‌ غافل‌ يورر سن‌ 

 بي‌بقا دنياده‌ تا كي‌ دورار سن‌

نيچه‌ سودا بار باشيندا، بيلر سن‌

صراط‌ اوزره‌ انتظ‌ارلار آلنينگدا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی