قيمات‌ياغشي‌دير



 سوداگارليك‌ قيليپ‌، بازار گزندن‌
آلسانگ‌ نصيحتيم‌، قيمات‌ ياغشي‌ دير
حاتم‌ بولوپ‌، گونده‌ قيزيل‌ برندن‌
 كونگولده‌ اديلن‌ همت‌ ياغشي‌ دير
 
بير مرد ياغشي‌ مخنثينگ‌ يوزوندن‌
سووش‌ گوني‌ سانجار غنيم‌ گوزوندن‌
هر كيم‌ تاپيلماسا آيدان‌ سوزوندن‌
دينه‌ منكر بولان‌ يزيد ياغشي‌ دير
 
خير ايشين‌ ترك‌ اديپ‌، بد ايش‌ ايزلاندان‌
 دوست‌بولوپ‌،دوستوندان‌ سيرين‌ گيزلاندن‌
خداني‌ اونوديپ‌، يالان‌ سوزلاندن‌
لكن‌، لال‌ اوتوريب‌، ديمماق‌ ياغشي‌ دير
 
قادر ايام‌ جسميميزي‌ بار ادن‌
بي‌عقل‌ دير حق‌ ايشينه‌ عار ادن‌
بي‌ماحال‌ سالينغان‌ بوزوق‌ كوپري‌دن‌
جهنم‌ اوستونده‌ صراط‌ ياغشي‌ دير
 
باش‌ وقتي‌ برجاي‌ قيل‌، مسلمان‌ بولسانگ‌
بيليپ‌ آخرتينگ‌، غميني‌ اييسنگ‌
جانينگ‌ بارليغيندا خير قازانسانگ‌
راحت‌ ياتجاق‌ يرينگ‌ - گنبد ياغشي‌ دير
 
سوز معني‌سي‌ چيقار بير ياغشي‌ جايدان‌
 بي‌خبرلار آيرا دوشر خدايدان‌
باش‌ وقتي‌ بيلمه‌گن‌ بي‌خبر بايدان‌ 
ارسيز، پيرسيز لولي‌ آروات‌ ياغشي‌ دير
 
مختومقلي‌، گورونگ‌ ياغشي‌ - ياماني‌
يالانچي‌نينگ‌ بولماز آنتي‌ - ايماني‌
بير آق‌ اويه‌ بارسانگ‌، آلماز ميهماني‌
هر كيمينگ‌ اوز ايلي‌ - امت‌ ياغشي‌ دير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی