قولونگ‌بولدوم‌



يوقدان‌ بارا گتيردينگ‌، من‌ آندا قولونگ‌ بولدوم‌
"الست‌ بربكم‌!" ديينگده‌ قولونگ‌ بولدوم‌
اراده‌ دياريندا، عدمده‌ قولونگ‌ بولدوم‌
گر فاني‌ و گر باقي‌، هر قاندا قولونگ‌ بولدوم‌
مشتي‌ خاكه‌ جان‌ بردينگ‌، بير زنده‌ قولونگ‌ بولدوم‌
جاني‌ تندن‌ آييرسانگ‌، بير مرده‌ قولونگ‌ بولدوم‌
هر هفته‌، هر ساعتدا، هر دمده‌ قولونگ‌ بولدوم‌
هر ييلدا و هر آيدا، هر گونده‌ قولونگ‌ بولدوم‌
گر عشرت‌ بيله‌ يوردوم‌، گر غمدا قولونگ‌ بولدوم‌
خدايا،من‌نه‌عاصي‌ـشرمنده‌قولونگ‌بولدوم‌
 
اوشبو دارالفنادا، يوقدور منيم‌ دي‌ بدكار
بارچا سانگا عياندير، نه‌ حاجت‌ قيلام‌ اظ‌هار
ياغشيدان‌ ييراق‌ قاليپ‌، يامان‌ بيلن‌ بولدوم‌ يار
بارمي‌ گناه‌ دردينده‌، يا رب‌، من‌ ده‌ي‌ گرفتار
بو جرم‌ ايله‌ گليپ‌ من‌، درگاهينگا يا غفار
يوزوم‌ يوقدور آيدارغا، حاليمني‌ من‌ شرمسار
سن‌ بولماسانگ‌ نگهدار، كيمدير مانگا مددكار
سنينگ‌ ده‌ي‌ غفاريم‌ بار، جهاندا نه‌ غميم‌ بار
نه‌ يوره‌گيمده‌ آرام‌، نه‌ كونگلوم‌ ايچره‌ قرار
خدايا،من‌نه‌عاصي‌ـشرمنده‌قولونگ‌بولدوم‌
 
گويا كه‌ بير ساروان‌ من‌، كرون‌ ايزين‌ ييتيرگن‌
اوغروم‌، يولوم‌ بيلمه‌يين‌، يول‌ اوستونده‌ اوتورغان‌
يا رب‌، مني‌ بولغاي‌ مي‌، بير منزيله‌ يتيرگن‌
باشيم‌ يولوندا كويسون‌، بو ايشلرني‌ بيتيرگن‌
من‌ ارمس‌ من‌ خوجامغا، قوللوق‌ برجاي‌ گتيرگن‌
اوزي‌ ارر بنداني‌، اوياتغان‌ و ياتيرغان‌
شناورليك‌ بيلمس‌ من‌، ترينگ‌ دريا باتيرغان‌
يا رب‌، ط‌ناب‌ آتغايمو، بير كناردا اوتورغان‌
يوقموش‌ من‌ ده‌ي‌ جهاندا، عمرين‌ غافل‌ اوتورگن‌
خدايا،من‌نه‌عاصي‌ـشرمنده‌قولونگ‌بولدوم‌
 
دنيا قايغيسي‌ بيرله‌، بولدي‌ قارا باغريم‌ قان‌
آخرتني‌ اونوتديم‌، يلديم‌ ، يوگورديم‌ هر يان‌
بير درده‌ اولاشيپ‌ من‌، سينامدا ارر پنهان‌
تاپيلغايمو سوراشسام‌، يا رب‌ بو درده‌ درمان‌
بيلگن‌ دواسين‌ اتدي‌، هر بنده‌ي‌ مسلمان‌
بيلديم‌ قيلماس‌ علاجين‌، يوز ييل‌ اوتورسا لقمان‌
ديليم‌ بارماس‌ ديله‌گه‌، كونگول‌ يوز مونگ‌ پريشان‌
لط‌ف‌ ايله‌گيل‌ يا سبحان‌، حسرت‌ بيله‌ باردي‌ جان‌
بارچا مشكل‌ ايشلريم‌، سن‌ اوزونگ‌ ايله‌ آسان‌
خدايا،من‌نه‌عاصي‌ـشرمنده‌قولونگ‌بولدوم‌
 
مختومقلي‌ خط‌ادان‌، غيري‌ الدن‌ ايش‌ گلمز
چومدوم‌ گناه‌ چشمينه‌، يورك‌ قايناپ‌ جوش‌ گلمز
خير ايراق‌ خيالدان‌، شر كونگلومدن‌ داش‌ گلمز
دست‌ دنيا بولوپ‌ من‌، عقل‌ گيدر، هوش‌ گلمز
قورقار من‌ اول‌ درگاها، زاري‌ قيلسام‌ خوش‌ گلمز
باغريم‌ آنداغ‌ قايم‌ دير، عهده‌سيندن‌ داش‌ گلمز
داشدان‌ بتر قاتيپ‌ من‌، گوزلريمدن‌ ياش‌ گلمز
اجابت‌ نشانيندا، نياز اوقوم‌ دوش‌ گلمز
اخلاص‌ بيله‌ تيلنگن‌، درگاهيندان‌ بوش‌ گلمز
خدايا،من‌نه‌عاصي‌ـشرمنده‌قولونگ‌بولدوم‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی