قورولماسدان‌بورون



جسمي‌ كانوندان‌ نفس‌ تاري‌ اوزولمسدن‌ بورون‌
باشينگا دوري‌ قضا بزمي‌ قورولماسدان‌ بورون‌
جبه‌ي‌ جان‌ تيري‌ رحلت‌دن‌ دوكولمسدن‌ بورون‌
اي‌، كونگول‌، قصرينگ‌ اساسي‌ - تن‌ بوزولماسدان‌ بورون‌
تاقي‌ آبراي‌ كوره‌سي‌ ـ دندان‌ دوكولمسدن‌ بورون‌
 
قيل‌ نظ‌ر آثاري‌ صنع‌ الله‌غا چشم‌ ديدچشم‌ ديد،  ايله‌
گير حقيقت‌ يولوغا بو جذبه‌ي‌ تمجيد ايله‌
قرب‌ وحدت‌ ايسته‌سنگ‌، قيل‌ وصفي‌ني‌ توحيد ايله‌
عقده‌ي‌ لبدن‌ گره‌ آچ‌ نقط‌ه‌ي‌ توحيد ايله‌
گوز آچيپ‌ سانگا دييه‌يين‌ هرزه‌ گولمسدن‌ بورون‌
 
بي‌بقادير قلب‌ قفلينگ‌، باغلاما اقبال‌ آنگا
بولما غره‌ عاريت‌ دنياگه‌ ملك‌ و مالينگا
ياد اديپ‌ گور و قيامت‌، ييغلا دايم‌ حالينگا
بير نظ‌ر سال‌، ياغشي‌جا گوز بيرله‌، اوز احوالينگا
آچ‌ گوزونگ‌ عبرت‌ بيله‌ توپراغا دولماسدان‌ بورون‌
 
باقي‌ عمرونگني‌، صرف‌ات‌، مردمينگ‌ فهميده‌ بول‌
مقدمي‌دا باش‌ قويوپ‌، مايوس‌ مردم‌ ديده‌ بول‌
صرف‌ قيل‌ پاك‌ تيلينگني‌، خلقي‌ خوش‌ بيگزاده‌ بول‌
قيل‌ دوتا پشتينگ‌ عمل‌ني‌، بي‌ريا سنجيده‌ بول‌
حشرده‌ ميزان‌ تره‌زي‌سي‌ قورولماسدان‌ بورون‌
 
بي‌بقا فاني‌ جهان‌ني‌ بيلمه‌گي‌ سن‌ جايي‌ بود
ارته‌ و آغشام‌ گيدر سن‌ سيل‌ و برق‌ و بادي‌ زود
قيل‌ بو گون‌ تانگلا ايشين‌، قيلماز پشيمان‌ آندا سود
قيل‌ دوتا پشتينگ‌ ركوعا جبهه‌ي‌ جاندان‌ سجود
تا اجلينگ‌ باديدان‌ قدينگ‌ بوكولمسدن‌ بورون‌
 
سينديريپ‌ عصيان‌ تخمينگ‌، دوك‌ ندامت‌ اشكيني‌
گلتير الله‌غا بو گون‌ بي‌قدر قيمت‌ اشكيني‌
جاري‌ ايله‌ييپ‌ بارها چشم‌ دوامت‌ اشكيني‌
گوزلرينگدن‌ آقيزيپ‌ شوري‌ قيامت‌ اشكيني‌
توبه‌ جامين‌ نوش‌ قيلغيل‌، پيمانه‌ دولماسدان‌ بورون‌
 
گيجه‌لر، مختومقلي‌، يورگول‌ آغتاريپ‌ بير راهبر
قويما بي‌يولداش‌ قدم‌، منزل‌ اوزاقدير، يول‌ خط‌ر
گوزلرينگدن‌ ياش‌ اورنوغا دوكوپ‌ان‌ خون‌ جگر
سعي‌ قيل‌، آلغيل‌ بهار و پاييز حقدان‌ بير ثمر
بادي‌ رحلت‌دن‌ نهالينگ‌ برگي‌ سولماسدان‌ بورون

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی