قدرين‌هيچ‌بيلمز



هارازبان‌ قولونا دوشسه‌ آلغير باز
قاناتيندان‌ آييرار، قدرين‌ هيچ‌ بيلمز
بير چوپان‌ الينه‌ دگسه‌ بير آلماز
چاقماق‌ داشي‌ قيلار، قدرين‌ هيچ‌ بيلمز
 
فقيره‌ مناسب‌ صبر و قناعت‌
بايلار ياراشيغي‌ خير و سخاوت‌
خر بسلان‌ تاجيكه‌ دوشسه‌ شاليق‌ آط‌
پالان‌ چكر سورر، قدرين‌ هيچ‌ بيلمز
 
كامل‌ بولماز اول‌ شربتدن‌ داتمايان‌
هزل‌ ايله‌مز سوز اصلينا يتمه‌ين‌
دالي‌ مجنون‌ عشقي‌ اثر اتمه‌ين‌
پريزاد ليلي‌نينگ‌  قدرين‌ هيچ‌ بيلمز
 
ميليس‌ گيريپ‌، معركاگه‌ بارمايان‌
بگ‌ليك‌ اده‌ بيلمز، بريم‌ برمه‌ين‌
چولده‌ آچليق‌ مشقتين‌ گورمه‌ين‌
اويده‌ ايسسغ‌ نانينگ‌ قدرين‌ هيچ‌ بيلمز
 
اوتندن‌ سونگ‌، آنگلار آدام‌ دولتين‌
بيلمز دولت‌ بيله‌ گچن‌ نوباتين‌
چكمه‌ي‌ كيشي‌ بيمارليغينگ‌ زحمتين‌
بو گوزل‌ ساغليغينگ‌ قدرين‌ هيچ‌ بيلمز
 
ريسمانين‌ برك‌ اديپ‌، لابير سالمايان‌
گردابه‌ اوغراشار حاضر بولمايان‌
كشتي‌سي‌ كولاكده‌ بنديل‌ قالمايان‌
قوري‌ قارا يرينگ‌ قدرين‌ هيچ‌ بيلمز
 
آيراليق‌ اودونا يانيپ‌ بيشمه‌ين‌
ظ‌الم‌لار اليندن‌ اولكه‌ آشمايان‌
وط‌ندان‌ آيريليپ‌، غريب‌ دوشمه‌ين‌
اولكه‌سينده‌ ايلينگ‌ قدرين‌ هيچ‌ بيلمز
 
ييگيت‌ دگيل‌ بير اقراردا دورماسا
اولاغ‌ قدرين‌ بيلمز كيشي‌ آرماسا
اوردك‌، قوبا غازلار چولي‌ گورمه‌سه‌
سرچمن‌لي‌ كولونگ‌ قدرين‌ هيچ‌ بيلمز
 
مختومقلي‌ آيدار، يار و همدم‌گه‌
گلينگ‌، دوست‌لار، شكر اديلينگ‌ بو دم‌گه‌
ذاتينا سوز فهمين‌ بيلمز آدام‌غا
مونگ‌ معني‌ سويله‌سنگ‌، قدرين‌ هيچ‌ بيلمز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی