قاليپ‌من‌



جاهل‌ليغينگ‌ جوشي‌ چيقدي‌ سريمدن‌
من‌ اول‌ جوشدان‌ خالي‌ بولوپ‌ قاليپ‌ من‌
بير غمه‌ اولاشديم‌ گيتديم‌ هوشيمدان‌
بو درد بيله‌ دالي‌ بولوپ‌ قاليپ‌ من‌
 
باشيم‌ يوز هوسده‌ كونگول‌ جوشغوندا
گردابه‌ اوغراديم‌ دالي‌ داشغيندا
احد داغيندا گزن‌ مجنون‌ عشقيندا
يانار اودلي‌ ليلي‌ بولوپ‌ قاليپ‌ من‌
 
ييگيت‌ليك‌ فصليني‌ قيشه‌ يتيرديم‌
كامل‌ليك‌ كشتي‌سين‌ دريا باتيرديم‌
بييك‌ فكره‌ قالديم‌ عقليم‌ ييتيرديم‌
تيريك‌ اكن‌ اولي‌ بولوپ‌ قاليپ‌ من‌
 
بو دنياني‌ گوچوپ‌ بارغان‌ گوچ‌ بيلديم‌
ايشيني‌ بد آنگديم‌ اوزون‌ پوچ‌ بيلديم‌
اونگون‌ اويون‌ بيلديم‌ سونگون‌ هيچ‌ بيلديم‌
خلق‌ ايچيده‌ دالي‌ بولوپ‌ قاليپ‌ من‌
 
مختومقلي‌ فاش‌ ايله‌گين‌ سوزونگي‌
فلك‌ مشتي‌ خاك‌ اتمه‌يين‌ يوزونگي‌
بو وقته‌ دنگ‌ ياش‌ بيلردينگ‌ اوزونگي‌
ايمدي‌ گور، باق‌، اولي‌ بولوپ‌ قاليپ‌ من‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی