قيل‌وقال‌بولار



هر كيشي‌نينگ‌ ايكي‌ بولسا عيالي‌
گيجه‌ - گونديز ايشي‌ قيل‌ و قال‌ بولار
هر بيري‌نينگ‌ باردير يوز مونگ‌ خيالي‌
اوقات‌ سوروب‌،گوردوجه‌گي‌ حال‌ بولار
 
بيرين‌ سويوپ‌، بيرين‌ ايله‌سه‌ ناچار
ايله‌ رسوا بولوپ‌، اوز عيبين‌ آچار
عقلي‌ حيران‌ بولوپ‌، باريندان‌ گچر
دنگ‌ توتماسا يارين‌، بي‌كمال‌ بولار
 
گاهي‌ بلبل‌ كيبي‌ سايرار ديل‌لري‌
تماشادان‌ حاضر ادر ايل‌لري‌
گاهي‌ ير يومروقلار، گاهي‌ كول‌لري‌
ارين‌ گوره‌ بيلسه‌، ديل‌سيز - لال‌ بولار
 
قهر ايله‌ييپ‌، گلمز بولسا يانينا
سوز آيتماسا هر بيري‌نينگ‌ شانينا
بيله‌ ار قوشولماز آدم‌ سانينا
ايكي‌ خاتين‌، بير ار ــ اوچ‌ عيال‌ بولار
 
مختومقلي‌، كيمسه‌ بيلمز باط‌ني‌
اويلنسه‌نگيز، قاراپ‌ آلينگ‌ ذاتيني‌
ايام‌ گوركزمه‌سين‌ يامان‌ خاتيني‌
آدم‌ اوزون‌ بيلمز، خام‌ خيال‌ بولار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی