قالمازا



 گورسم‌، اي‌ دلبر جمالينگ‌، اختياريم‌ قالمازا
 گورمز ارسم‌ بير زمان‌، صبر و قراريم‌ قالمازا
وصلينگ‌ اميدينا بير دم‌ اعتباريم‌ قالمازا 
 بولماسا اميد وصلينگ‌، هيچ‌ مداريم‌ قالمازا
 
گر عنايت‌ بولماسا سندن‌، آچيلماز يولوميز
 توتغون‌ اولار دائما، بولماز گشاد اقباليميز
جبر ايله‌ بيمار اولوپ‌، آشفته‌ بولغان‌ حاليميز
رحم‌ اديپ‌، سن‌ سورماسانگ‌، بير آيري‌ ياريم‌ قالمازا
 
حسرت‌ ايچره‌ قالميشام‌، عاجز بولوبان‌ مانده‌ من‌
فرق‌ اده‌ بيلمن‌ اوزوم‌ ايواندا يا ويراندا من‌
كيمسه‌ فهم‌ اتمز بو درديم‌، بولموشام‌ درمانده‌ من‌
سانيرام‌ اولمزدن‌ اول‌ تنده‌ جانيم‌ قالمازا
 
گويا كي‌ بيت‌ الحزن‌ من‌، شاد گلن‌ غمناك‌ اولا
 تا حيات‌ فانيام‌، سينام‌ سنينگ‌ چون‌ چاك‌ اولا
صوراتيم‌ نسياندا دير، استخوانيم‌ خاك‌ اولا
 تا اولينچا روز محشر، آهي‌ زاريم‌ قالمازا
 
گرچه‌ بو مختومقلي‌ دير مايل‌ نفس‌ هوا
حق‌ ارر سن‌ بيرليگينگ‌، چون‌ حاجتيم‌ قيلغيل‌ روا
حاجتيم‌ سندن‌ روا بولماس‌ ارسه‌ گر، مدعا
 بيله‌ معلوم‌ دير كي‌، هيچ‌ بير غمگساريم‌ قالمازا


تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی