قالاربودنيا



خوش‌ قال‌ ايمدي‌، يار و دوستلار، يارانلار
 قووانما، همه‌دن‌ اوتر بو دنيا
ياپمادي‌لار چاره‌ اوتن‌ ولي‌لر 
  بارچانينگ‌ باشيغا يتر بو دنيا
 
بيره‌وني‌ شاه‌ ادر، برر كوپ‌ رواج‌
 بير نيچه‌لر ييغلار، بير پولا محتاج‌
كيملر چاره‌ تاپماز، اوتر ناعلاج‌
هر كيمه‌ يوز الم‌ قوييار بو دنيا
 
نظ‌ر قيلسا پاره‌ ادر داشلارني‌ 
  بير نيچاگه‌ آغو ادر آشلارني‌
بيرنيچه‌لر آليپ‌ عزيز باشلارني‌  
  بير ياد اولكه‌لره‌ آتار بو دنيا
 
نوروندان‌ ياراتدي‌ عيسي‌ني‌ جبار  
  ارك‌ اوزونده‌ هر نه‌ قيلسا بيروبار
بير غريب‌ من‌، سندن‌ اوزگه‌ كيميم‌ بار 
 مني‌ كوپ‌ قيمتا سالار بو دنيا
 
حضرت‌ آدمني‌ ايله‌دينگ‌ حيران‌ 
 حوا جدا دوشدي‌، گوزلري‌ گريان‌
خداغا راز آيتدي‌ حضرت‌ لقمان‌ 
  "ديله‌گيم‌، دوش‌ اتمه‌ نامردا، دنيا!"
 
حضرت‌ اسكندر، قاني‌ سليمان‌
 آخريندا بولدي‌ جايي‌ گورستان‌
قاني‌ سهراب‌، برزو، رستم‌ دستان‌ 
  اعمالي‌ دونمه‌لي‌ يسر بو دنيا
 
مختومقلي‌، كونگلونگده‌ يوز كلفت‌ بار
 قضانينگ‌ داميغا بولدوق‌ گرفتار
يارادان‌، خوار اتمه‌، بولغون‌ خبردار
يوغسا ايشيم‌ آرمــــان‌ ادر بو دنيا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی