قاچاباشلادي



ايندي‌ بيلديم‌ زمانانينگ‌ آزانين‌
يامانلار ياغشيدان‌ قاچا باشلادي‌
قايتا بد اصل‌لار اصلزاده‌دان‌
پسند اتماي‌، توره‌ گچه‌ باشلادي‌
 
ريا بولدي‌ كوپونگ‌ اوقان‌ نمازي‌
تانگري‌ هيچ‌ بيريندن‌ بولمادي‌ راضي‌
پيغمبر اورنوندا اوتوران‌ قاضي‌
پارا اوچين‌ الين‌ آچا باشلادي‌
 
شاه‌لاردا قالمادي‌ حكمي‌-عدالت‌
بير پول‌ اوچين‌ مفتي‌ برر روايت‌
بيل‌، بو ايشلر نشانه‌سي‌ قيامت‌
ظ‌الملار بي‌توبه‌ اوته‌ باشلادي‌
 
فقيرلار خورلانيپ‌، يوزون‌ سارارديپ‌
كيم‌ توره‌سين‌ تاپيپ‌، رنگين‌ قيزارديپ‌
ظ‌الملار مظ‌لوما سيرتين‌ قابارديپ‌
قامچيسيندان‌ قانلار ساچا باشلادي‌
 
مجتهد سوزونه‌ عمل‌ بولمادي‌
منافقلار ياراداني‌ بيلمه‌دي‌
صوفي‌لار پيريندن‌ تعليم‌ آلمادي‌
دنيا اوچين‌ ديندن‌ گچه‌ باشلادي‌
 
بير پاره‌ صوفي‌لار "صوفي‌ من‌" ديير
سوراماني‌، ظ‌الم‌لار ط‌عامني‌ ايير
"بيزني‌،ياغشي‌ كيشي‌ دييسين‌لر"ديير
هر ايشيكده‌ حلقه‌ قورا باشلادي‌
 
قارريغا آيلاندي‌ بيز گورن‌ ياشلار
آياغا دولاندي‌ بيز گورن‌ باشلار
بي‌ماحال‌يوك‌باغلاپ‌ايمدي‌قارداشلار
آخرت‌ عزمينه‌ گوچه‌ باشلادي‌
 
عاقل‌ بولان‌  غمدا يوره‌گين‌ ازيپ‌
دردي‌نينگ‌ درمانين‌ سوراغلاپ‌ گزيپ‌
زمانانينگ‌ فساد بولانين‌ سيزيپ‌
فانيدان‌ باقيه‌ گوچه‌ باشلادي‌
 
نه‌ اصيل‌ بگ‌لرينگ‌ نوبتي‌ اوتدي‌
قايتا شغل‌ - حرام‌ليغا سوز اوتدي‌
دنياده‌ كيم‌ قاليپ‌، مرادا يتدي‌
محبت‌ چراغي‌ اوچه‌ باشلادي‌
 
قاضي‌ بولان‌ بير جوابدا دورمادي‌
گيجه‌ محنت‌ تارتيپ‌، كتاب‌ گورمه‌دي‌
شريعت‌ اوغروندا دوغري‌ يورمه‌دي‌
نفس‌ اوچين‌ ايمان‌سيز اوته‌ باشلادي‌
 
مختومقلي‌ آيدار، بارها يول‌ تاني‌
باش‌ گون‌ سيناماغا ايبردي‌ سني‌
سندن‌ بورون‌ اوتن‌ جانانلار قاني‌؟
هر كيم‌ نوبتيندا اوته‌ باشلادي

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی