قيلماق‌ياراشماز



خوش‌ تميزلي‌ بگ‌ اوغلونينگ‌ ناشته‌سين‌
سيغير ياتاغينده‌ قيلماق‌ ياراشماز
قوشون‌ سرانجامين‌، ايل‌ سرشته‌سين‌
پاده‌بان‌ اوغلونا بيلمك‌ ياراشماز
 
اگر خبر آلسانگ‌ كپينگ‌ تييندن‌
دينگله‌سنگ‌ دييه‌يين‌ جانيم‌ اويوندن‌
عارفلار يانيندا دنيا پييندن‌
آواره‌ليق‌ ايلاپ‌ بيلمك‌ ياراشماز
 
عقلي‌، گوركي‌ الله‌ قاييرماميش‌ دنگ‌
ياغشي‌دان‌ يامان‌ ايش‌ چيقسا بولار گنگ‌
تاوشان‌ دريا بولماز، شور سوودا خرچنگ‌
جنوب‌نينگ‌ كولونه‌ دولماق‌ ياراشماز
 
هر سوزوم‌ بير دردير قدرين‌ بيله‌نه‌
دعا اتمك‌ دلالت‌دير اولنه‌
اوچاردا، قاچاردا ــ قارغا،، قولانا
يدي‌ يوز ياشامان‌ اولمك‌ ياراشماز
 
هر كيمينگ‌ نه‌ مقدار بولسا اخلاصي‌
اول‌ مقدار آچيق‌دير حقينگ‌ درگاسي‌
بير يرده‌ جم‌ بولسا جهان‌ درياسي‌
گامي‌نينگ‌ ايچينه‌ دولماق‌ ياراشماز
 
هر كيمه‌ ال‌ برمز در غلط‌اني‌
آش‌ بارقا، دوست‌ قازان‌، آط‌ بار يول‌ تاني‌
رومينگ‌ تختينه‌ حبش‌ سلط‌اني‌
كعبه‌ مسجدينده‌ قالميق‌ ياراشماز
 
مختومقلي‌، كويدي‌ جانيم‌ اوت‌ بولوپ‌
دنيا گلن‌ گيده‌جك‌دير مات‌ بولوپ‌
اوزون‌ بيلماي‌، اويون‌ اديپ‌، شاد بولوپ‌
ياسخانه‌ يرينده‌ گولمك‌ ياراشماز

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی