قيزديربودنيا



نصحيتيم‌ بودور، بيان‌ ايله‌سم‌
جلوه‌لي‌ پاكيزه‌ قيزدير بو دنيا
شيوه‌سيني‌ آيديپ‌، عيان‌ ايله‌سم‌
 عالمه‌ آشكار سوزدور بو دنيا
 
دجال‌ خروج‌ اديپ‌ چيقار شكارا
  نمازخوانلار تيز يتيشر ديدارا
بي‌نماز يوزونه‌ چكيرلر قارا
 اوتوزدا، قيرق‌ باشده‌ آلدي‌ بو دنيا
 
نيجه‌لر قان‌ ييغلاپ‌ اوتر ظ‌لماتدان‌
 موكل‌ فرشته‌ قاقار صراط‌دان‌
هيچ‌ پيدا تاپيلماز پيردن‌، اوستادان‌
  راستني‌، يالغانينگني‌ بيلدي‌ بو دنيا
 
خدانينگ‌ بنده‌سي‌ حضرتي‌ موسي
 اوت‌ اييدي‌، سوو ايچدي‌، قولوندا عصا
بي‌بي‌ مريم‌ اوغلي‌ حضرتي‌ عيسي‌
 شوني‌ قيرق‌ ييل‌ پادشاه‌ قيلدي‌ بو دنيا
 
بو دنياده‌ باش‌ گون‌ ساغ‌ و بار اولسانگ‌
 نيتي‌ قيسيلغان‌، فعلي‌ دار اولسانگ‌
يوقسوزليقدان‌ قاشاق‌ بولوپ‌ زار اولسانگ‌  
  مردي‌ نامردا زار قيلدي‌ بو دنيا
 
بير نيچه‌لر جفا بيرلن‌ محنتده‌
  بير نيچه‌لر قايغي‌ بيلن‌ كلفتده‌
نمازخوانا قيرق‌ فرشته‌ خذمتدا
  عشرت‌غا سزاوار اتدي‌ بو دنيا
 
اول‌ صراط‌دا قانات‌لارينگ‌ قيريلار
 نيچه‌لر اوته‌ آلماي‌، بويني‌ بورولار
موندا راست‌ يورن‌لر بهشته‌ گيرر
  بو كونگولدن‌ غم‌ني‌ آلدي‌ بو دنيا
 
نيجه‌لر قان‌ ييغلاپ‌ هم‌ باغري‌ قان‌دير
 اوته‌ آلماي‌، سارغاريپ‌ دوران‌لار كاندير
موندا قيلغان‌ ايشينگ‌ باري‌ پنهان‌دير
 پنهانينگ‌ آشكارا قيلدي‌ بو دنيا
 
مختومقلي‌ سوزي‌ توكنمز ادا
 اجل‌ ياقانگ‌ توتار، شاه‌ بيلن‌ گدا
آلتميش‌ اوچده‌ اوتدي‌ پيغمبر خدا
آلارني‌ اوغول‌ســـيز قيلدي‌ بو دنيا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی