قیامتدان نشان



 
تاپدي‌ شهرت‌ خلق‌ ايچينده‌، بو جهالتدان‌ نشان‌
قالدي‌ درويش‌لر تيلينده‌، داغ‌ حسرتدان‌ نشان‌
قالمادي‌ مظ‌لوم‌لارا دست‌ نصرتدان‌ نشان‌
سربسر دولدي‌ جهانا بو بد آفتدان‌ نشان‌
دگدي‌ عالم‌ اهلي‌گه‌ يوز مونگ‌ خجالتدان‌ نشان‌
ار بيلرلر كيمده‌ بولسا اول‌ شرارتدان‌ نشان‌
يادا سالماز خير ايشي‌ تاپغان‌ ضلالتدان‌ نشان‌
نه‌ مروتدن‌ اثر بار، نه‌ عدالتدان‌ نشان‌
شك‌ دگيلدير، دوستلاريم‌، گلدي‌ قيامتدان‌ نشان‌
 
هر كيشي‌ بدعت‌گه‌ باتير، آني‌ كي‌ ار بيلدي‌لر
محشره‌ منكر بولوپ‌، يوق‌ ديني‌ بار بيلدي‌لر
شرع‌ ايشي‌ بد آنگلاييپ‌، خوب‌ ايش‌ني‌ بد كار بيلدي‌لر
راست‌لاري‌ خائن‌ بيليپ‌، خائن‌لاري‌ يار بيلدي‌لر
ط‌امعه‌ قانع‌ ديييپ‌، قانع‌لاري‌ زار بيلدي‌لر
كيم‌ شريعت‌ اهلي‌ بولسا، هجو اديپ‌، خوار بيلدي‌لر
منكري‌ مرشد بيليپ‌، يالغان‌ني‌ اقرار بيلدي‌لر
گمراهي‌ تقوا سانيپ‌، تقواني‌ انكار بيلدي‌لر
شك‌ دگيلدير، دوستلاريم‌، گلدي‌ قيامتدان‌ نشان‌
 
حرمت‌ اهلي‌ بولدي‌ اول‌ كيمنينگ‌ قولوندا سازي‌دير
كيم‌ كلام‌ اوقيسا خلق‌ يانيندا، خر آوازي‌دير
وردلري‌ قيز و جوان‌، ديير سن‌ كي‌ توي‌دير، بازي‌دير
اورتادا قيز و جوان‌ ديير سن‌ كه‌ تويدور بازي‌دير
سيچراشار قيز و گلين‌ اوستونگ‌گه‌، گويا تازي‌دير
حق‌ ايشيندن‌ بي‌خبر خلق‌ ايچره‌ بعضي‌ قاضي‌دير
تابع‌ جن‌دير آنينگ‌، حقا كي‌، شيط‌ان‌ اوزي‌دير
تاموغينگ‌ تيقانجي‌دير، هر كيم‌ بو ايشگه‌ راضي‌دير
شك‌ دگيلدير، دوستلاريم‌، گلدي‌ قيامتدان‌ نشان‌
 
تانگري‌، پيغامبر سوزوندن‌ بي‌خبردير بو پيرلر
فاسق‌ني‌ قاضي‌ بيليپ‌، نائب‌ني‌ سلط‌ان‌ دييرلر
هر كيشي‌ اول‌ گليپ‌ گورسه‌، كي‌ رشوت‌ بييرلر
باغلاييپ‌ بهتان‌ ايله‌ فقر اهلينه‌ تقصيرلار
سله‌ باغلاپ‌ باشينا آچ‌ بوري‌ صوفي‌ - پيرلر
ايله‌ييپ‌ خلق‌ اوستوگه‌ كوپ‌ حيله‌يي‌ - تزويرلر
گر حلال‌ و گر حرام‌ تاپسا ديقارلار - اييرلر
روز محشر حق‌ رسولغه‌ نه‌ جوابين‌ بييرلر
شك‌ دگيلدير، دوستلاريم‌، گلدي‌ قيامتدان‌ نشان‌
 
اگسه‌ور، مختومقلي‌، سوز بيرله‌ دردينگ‌ هر زمان‌
نه‌ اوچين‌ ظ‌الم‌غا نوبت‌ بردي‌ بو دوري‌ - زمان‌
آنينگ‌ اوچين‌ گوز گورن‌ ــ اشيدندن‌ اوته‌ گچدي‌ گمان‌
ايله‌ييپ‌ بير - بيرينه‌ دعواي‌ باط‌ل‌ني‌ همان‌
بير شايي‌ليق‌ مال‌ اوچين‌، تحقيق‌، برر الدن‌ ايمان‌
اوزوني‌ ار سايينار كيم‌، آرتيق‌ ايش‌ اتسه‌ يامان‌
بو كونگول‌ يوز شوق‌ ادر ناحق‌ اوچين‌ توكماگه‌ قان‌
گويجي‌ اوتسه‌ گربانينگ‌، قاپلانگا هيچ‌ برمز آمان‌
شك‌ دگيلدير، دوستلاريم‌، گلدي‌ قيامتدان‌ نشان‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی