كفارت‌اتدي



فهم‌ ايله‌ سوزومني‌، عاشقلار باشي‌
كيم‌ خداغا اوغلون‌ كفارت‌ اتدي‌؟
خليل‌ الله‌ حقنينگ‌ كعبه‌ تراشي‌
كيم‌ آندان‌ سونگ‌ كعبه‌ عمارت‌ اتدي‌؟
 
آزيق‌ گوترينمز اولاغسيز گوچ‌ نه‌
آلتي‌ نه‌، يدي‌ نه‌، دورت‌ نه‌دير، باش‌ نه‌
آقدان‌ قارا دونن‌ شرفلي‌ داش‌ نه‌
آدي‌ نه‌دير، هر كيم‌ زيارت‌ اتدي‌؟
 
بيلرمي‌ سن‌ نيجه‌ يولدور ساليندي‌
اول‌ قايسي‌ مختار بولدي‌، آليندي‌
شمعي‌ شعله‌ اوردي‌، ياندي‌، بيليندي‌
اول‌ شمعي‌ حق‌ كيمه‌ كرامت‌ اتدي‌؟
 
كيمدير خاتم‌ ايسلاپ‌ گوروپ‌ توراتدا
يولوغيپدير داش‌ آياقلار براتدا
بيلرمي‌ سن‌، حيات‌ آقار ظ‌لماتدا
خضر بيلن‌ كيمسه‌ ط‌هارت‌ اتدي‌؟
 
صورت‌پرست‌ دير، وفاسي‌ هيچ‌دير
خبر برگيل‌، نوحونگ‌ قايني‌ نه‌ ايش‌دير
آزانا، توزانا دستگير نه‌ قوش‌دور
كيمينگ‌ تربتينه‌ زيارت‌ اتدي‌؟
 
اول‌ نه‌ دورت‌دور، اينيپ‌ گلدي‌ سلط‌اندان‌
خلقلار شهرت‌ تاپدي‌، بيل‌، نيچه‌ جاندان‌
قايسي‌ ملك‌ اينيپ‌ دوشدي‌ آسماندان‌
نه‌ آدم‌ اوغلونا عنايت‌ اتدي‌؟
 
مختومقلي‌، كيمدير، بير جايه‌ دوشدي‌
اول‌ كيمدير، بير گيجه‌ دوو آليپ‌ قاچدي‌
نيچه‌ ييلدان‌ سونگرا گلدي‌، قاويشدي‌
تانگري‌ پناهيندا سلامت‌ اتدي‌؟

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی