كونگلوم



اويان‌ خواب‌ غفلت‌دان‌، اجل‌سيز اولن‌ كونگلوم‌
اميد اوزوب‌ عالمدن‌، درگاه‌دان‌ ديلن‌ كونگلوم‌
دويپ‌سيز دريايه‌ دوشدي‌، گورگننه‌ گولن‌ كونگلوم‌
مرد گركدير آلماغا، بو غريب‌ قالان‌ كونگلوم‌
جان‌ فاني‌، جهان‌ فاني‌، كفنه‌ چولان‌ كونگلوم‌
سوز بيله‌ ايچين‌ اگسر، قبض‌ اولوپ‌، دولان‌ كونگلوم‌
 
عالم‌لار سوزون‌ دينگله‌، نصيحتين‌ آل‌ - گوتر
تور، حقينگ‌ درگاهينه‌ مناجات‌ قيل‌، قول‌ گوتر
رياضت‌نينگ‌ يوكوني‌ آرقان‌، يوزين‌ سال‌ گوتر
بو ايش‌ مردينگ‌ ايشي‌دير، مردانه‌ دور، قال‌، گوتر
كامل‌ آياغنا باش‌ قوي‌، يالانچيدان‌ ال‌ گوتر
توبه‌ قيليپ‌، بير پيرينگ‌ توپراغنا بولان‌، كونگلوم‌
 
عشقيم‌ باردير مجنوندان‌ آلتميش‌ اسسه‌ زياده‌
قواتيم‌ باردير قيرق‌ ييل‌ درس‌ آيدارغا فرهاده‌
يوره‌گيم‌ ياقيپ‌ اودا، خوجامغا بارسام‌ داده‌
كرم‌ درياسي‌ جوشوپ‌، يتيرگاي‌ مو مراده‌
قالسا كونگول‌ تاپيلماز، چيقسا بو جان‌ دنياده‌
مرد گركدير آلماغا بو غريب‌ قالان‌، كونگلوم‌
 
سحر توروپ‌، دعا قيل‌، "آمين‌!" دييسين‌ فرشته‌
نه‌ باردير غافل‌ ياتيپ‌، بيهوده‌ اوتوريشده‌
ملك‌ جهان‌ توتدورماز ايله‌سنگ‌ مونگ‌ سريشته‌
ابدال‌ ژنده‌سين‌ گييپ‌، گيت‌ ديوانا قاريشده‌
يوغسا قالار سن‌ تنها سرگشته‌ و غمگشته‌
آيدان‌ سوزونگه‌ فعلينگ‌ بولماسين‌ يالان‌، كونگلوم‌
 
مختومقلي‌، نوش‌ اتديم‌ غم‌ باداسين‌ ايكي‌ تاس‌
اوچ‌ ايچرگه‌ رغبت‌ يوق‌، چون‌ جاندان‌ بولدوم‌ خلاص‌
سريمده‌ سانسيز سودا، ايچده‌ وسواس‌ الخناس‌
گلينگ‌، بير تدبير ايلانگ‌، بو درده‌، ايها الناس‌
ديزا چوكوپ‌، دم‌ اورسا، عيسي‌، خضر هم‌ الياس‌
قالينماز، زنده‌ بولماز، خود مرده‌ بولان‌ كونگلوم‌
 

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی