كوزبيله



كيمسام‌ باردير، عرضيم‌ يارا يتيرسه‌
عشق‌ اودونا كويدوم‌ گيتديم‌ كوز بيله‌
گليپ‌، الي‌ بيله‌ اودوم‌ اوچورسين‌
يوغسا سونمز باران‌ بيله‌، بوز بيله‌
 
گلن‌ گچدي‌، گله‌جه‌گه‌ يورت‌ قويدي‌
آشناليغي‌ نامرد آچدي‌، مرد قويدي‌
يار سينامدا داغ‌ اوستونه‌ درد قويدي‌
درد اوستونه‌ بورچ‌ قويوپ‌ دير دوز بيله‌
 
معشوقيم‌ تاپديرماز، تاپسام‌، ال‌ برمز
اقباليم‌ اويانماز، بختيم‌ هم‌ تورماز
يوره‌گيم‌ اينجالماز، كونگول‌ هم‌ دورماز
يار جمالين‌ گورمه‌گينچا گوز بيله‌
 
بير درده‌ دوشوپ‌ من‌، هيچ‌ كيمسه‌ بيلمز
عيسي‌ آنگماز، لقمان‌ چاره‌سين‌ قيلماز
گلر ــ تورماز، دومان‌ باشدان‌ ساويلماز
هر زمان‌ بير درد اگسر من‌ سوز بيله‌
 
مونگ‌ عشق‌ ايله‌ مال‌ دنيا ييغار سن‌
بير شاي‌ اوچين‌ يوز كونگولگه‌ دگر سن‌
دنيا ــ دريا، تن‌ بير سالدير، آغار سن‌
قاچانا دنگ‌ تاي‌ گيدر سن‌ دوز بيله‌
 
بو دنيا ماليندان‌ كيم‌ التدي‌ بير زات‌
اولي‌ غم‌، قايغي‌، آخري‌ برباد
بولاجاغينگ‌ بودور غافل‌ آدمزاد
يوق‌ بولار سن‌ توپراق‌ بيله‌، توز بيله‌
 
مختومقلي‌، نه‌ منزل‌دير، دورار سن‌
يورت‌ كيمينگ‌دير، آغير ايش‌لر قورار سن‌
قسمت‌ اولسا، قاريش‌ يره‌ گيرر سن‌
نصيب‌ اتسه‌، آلتي‌ آرشين‌ بييز بيله‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی