کؤنگول جوْشوُندادیر



کؤنگول بر بدن شاهی دیر
هر سؤز کؤنگول جوْشوُندادیر
یدی اقلیمینگ تختیندا
هربیری بیر ایشینده دیر

داغلارینگ چیقیپ،اینمه سی
چوْخلارینگ گؤچوب- قونماسی
دنیانینگ آغیپ-دوُنمه سی 
فلکینگ گردشینده دیر

کیمدیر بوُ دنیاده قالان
مانگا چین دیر، سیزه یالان
بیر آق دیر، بیر قارا ییلان
سلیمانینگ قاشیندادیر

دگره سی زمرّد داشلی 
نر مایه لی، قیرق قارداشلی
آلتین تختلی،آلماز داشلی
دیو بگ لری داشیندادیر

آیلانار، گِچر دوران لار
قوجالار قوُرلار ایوان لار
گوندیز یارغا آشنا جان لار
گیجه یاتسا، دویشونده دیر

اوّچ اسسه سی دألی دریا 
بیر اسسه یرده مونگ غوغا
کیم بیلر کی کؤنه دنیا
یارب نیچه یاشیندادیر

مختومقلی دییر،هارای دیر
اجل اوْق دیر،فلک یای دیر
دنیا بیر قهبه هلای دیر
آدمزادینگ باشیندادیر

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی