کؤنگول دیر ویران



دییدیم: ((یوزی تابانه)). 
دییدی: ((منگزأر!)) منگلی خان 

دییدیم: ((قویدونگ آرمانه)). 
دییدی: ((کؤنگول دیر ویران)) 

دییدیم: ((اؤلِرِم ایمدی)). 
دییدی: ((قالار سن آمان)) 

دییدیم: ((اوُق کیر پیک لرینگ)). 
دییدی: ((قاشلاریم کمان)) 

دییدیم کی: ((پوشش گِیمیش)). 
دییدی: ((دونی زرافشان)) 

دییدیم: ((یوزده خاللار بار)). 
دییدی: ((روی ده گُل لر، هی )) 

دییدیم: ((قمری زبان دیر)).
 دییدی: ((شهدی – دیل لر، هی)) 

دییدیم: ((گل، سن خبرلاش)). 
دییدی: ((بیلر ایل لر، هی)) 

دییدیم: ((اول نه سروی دیر؟)).
 دییدی: ((اینچه بیل لر، هی)) 

دییدیم: ((طاووس قایدان دیر؟)). 
دییدی: ((جایی هندوستان)) 

دییدیم: ((گیجأنگ قارانگقی)). 
دییدی: (( اوُقوُدا آییم)) 

دییدیم: ((کیم لر یاساویل؟)). 
دییدی: ((کیر پیگیم – یاییم)) 

دییدیم: ((قایدا مسکنینگ؟)). 
دییدی: ((لا مکان جاییم)) 

دییدیم: ((زر افشان ارِر)). 
دییدی: ((کوثر دیر چاییم)) 

دییدیم: ((اوْندان پر مانگا!)). 
دییدی: ((ایستأرمیش بی جان)) 

دییدیم: ((بو نه توتون دیر؟)).
 دییدی کی: (( قارا مارلار)) 

دییدیم: ((قورقارام آندان)).
 دییدی: ((ایل و گون زارلار)) 

دییدیم: ((سؤزونگ اصلینی)).
 دییدی: ((سوْرار، دویارلار)) 

دییدیم: ((سیری فاش اتدینگ)). 
دییدی: ((آیتمیش اغیارلار)) 

دییدیم: ((اؤلوم بار سانگا)). 
دییدی: ((سانگا هم فرمان)) 

دییدیم: ((ای مختومقلی!)). 
دییدی: ((گؤزلر یاش بوْلار!)) 

دییدیم: ((اول نه اوغلان دیر؟)).
 دییدی: ((سیزگه باش بوْلار!)) 

دییدیم: ((یاقین دیر کعبه)). 
دییدی: ((گؤنه داش بوْلار)) 

دییدیم: ((یاغشی زمان دیر)). 
دییدی: ((بو هم دویش بوْلار)) 

دییدیم: ((ایمدی گیدر من)).
 دییدی: ((گیتسنگ، بار آمان!)) 

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی