كرم‌ايسلارين



اول‌ باشدا، قادر الله‌
سندن‌ بير كرم‌ ايسلارين‌
بادام‌ قاباق‌، آلما يانگاق‌
بير زيبا صنم‌ ايسلارين‌
 
تانگري‌ برمه‌سه‌، ناده‌لي‌
باش‌ آليپ‌، قايدا گيده‌لي‌
اوتوريپ‌ - تورشي‌ ادالي‌
قاشلاري‌ قلم‌ ايسلارين‌
 
اوزونه‌ حرمت‌ گتيرن‌
اري‌نينگ‌ خذمتين‌ بيتيرن‌
قاشيني‌ چيتمان‌ اوتوران‌
مانگلايي‌ گولن‌ ايسلارين‌
 
ييگريمي‌ ياش‌ اوتدي‌ مندن‌
هزل‌ اتمه‌ديم‌، دنيا سندن‌
تيلي‌ سويجي‌ لبي‌ خندان‌
بير قوينا سالان‌ ايسلارين‌
 
فراغي‌، گلديم‌ جهانا
بير يار برگيل‌ عقلي‌ دانا
دوشديم‌ اوم‌ بيلمز نادانا
بير قدريم‌ بيلن‌ ايسلارين‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی