كرس‌چيقار



حقيقتده‌ يولا گيرن‌ درويش‌لر
پله‌ - پله‌ سدره‌ بيله‌ كرس‌ چيقار
باشچي‌سيز، فهم‌سيز يولا گيرن‌لر
يولون‌ شيط‌ان‌ اورار، يولي‌ ترس‌ چيقار
 
ارواح‌ بار، هم‌ جن‌ بار، پلنگ‌ بار، قورت‌ بار
قايغي‌ بار، غصه‌ بار، يول‌ داش‌ دير، درد بار
اوشبو يولا گيرسنگ‌، نيچه‌مه‌ شرط‌ بار
شرط‌سيز يولا گيرسنگ‌، قارشي‌ بارس‌ چيقار
 
اسرافيل‌ صور چالسا، ير، گوك‌ اگيلسه‌
شيط‌ان‌ صرصر اورسا، داغلار داغيلسا
دجال‌ دنيا اينسه‌، قوشون‌ ييغيلسا
ايزي‌ هندده‌ بولار، اونگي‌ قارس‌ چيقار
 
چهل‌ تن‌، ابدال‌ گيدر غايب‌ قلندر
دعاگوي‌ هيچ‌ قالماز بوشانار بندر
قاف‌ داغي‌نينگ‌ گاديگينده‌ اسكندر
ديو يولونا قويدورديغي‌ قورس‌ چيقار
 
مختومقلي‌ آيدار بير زات‌ بيلمه‌نم‌
ايش‌لر باردير، عهده‌سيندن‌ گلمه‌نم‌
اي‌ يارانلار، بو نادن‌ دير، بيلمه‌نم‌
خضر ديييپ‌ ال‌ اوردوغيم‌، خرس‌ چيقار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی