كان‌ايچينده‌



كونگول‌ نه‌ ايش‌ بيتيردينگ‌، گلدينگ‌، جهان‌ ايچينده‌
قالدينگ‌ دنيا غمينده‌، يوره‌گينگ‌ قان‌ ايچينده‌
آدباد ديييپ‌، ال‌ سوندونگ‌، دويبي‌ ويران‌ ايچينده‌
تن‌ توپراق‌ دير، اگلنمز جوهر جان‌ ايچينده‌
رستم‌ قوما قاريليپ‌، قالدي‌ يگسان‌ ايچينده‌
سن‌ آلارنينگ‌ يانيندا گلمز سن‌ سان‌ ايچينده‌
 
دنياليك‌ دييپ‌ يوگير سن‌، تا ايچينگده‌ دم‌ باردير
دم‌ ايچينگدن‌ چيقينچا، باشينگدا مونگ‌ غم‌ باردير
غم‌ آستيندا ياتار سن‌، نه‌ آنگا مرهم‌ باردير
دويماز گوزونگ‌ دولماغا، بير قوشاويچ‌ قوم‌ باردير
بو جهاندا، آدمزاد، سندن‌ غافل‌ كيم‌ باردير
قوردا، قوشا نظ‌ر قيل‌، كل‌ فرمان‌ ايچينده‌
 
اي‌، يارانلار، اول‌ دنيا باران‌ بار-دا گلن‌ يوق‌
اولي‌ - ديري‌، حاليندان‌ خبر - خاط‌ر بيلن‌ يوق‌
چرخ‌ فلك‌ اليندن‌ آغلان‌ بار-دا، گولن‌ يوق‌
عقل‌ ادينگ‌، قارداشلار، كونه‌لردن‌ قالان‌ يوق‌
يالانچي‌نينگ‌ وفاسي‌ يوقدور دييسم‌، يالان‌ يوق‌
دنياگه‌ بيل‌ باغلاغان‌، قالدي‌ زيان‌ ايچينده‌
 
يا الها، سن‌ ساقلا قاراقچيدان‌ يوللاردا
ساغدا - سولدا چاپارلار بيراقمايين‌ چول‌لرده‌
كونگول‌ دنيا عشقيندا، حرام‌ سوزلر ديل‌لرده‌
من‌ بير عاجز بنده‌ من‌، كمينه‌ من‌ قول‌لاردا
كوپ‌ گناه‌لر قازانديم‌، آز فرصتلي‌ ييل‌لاردا
خجالته‌ قويماغيل‌ ياغشي‌ - يامان‌ ايچينده‌
 
مختومقلي‌، آلدايير قهبه‌ دنيا بزه‌نيپ‌
كونگلونگني‌ مايل‌ قيلما آنگا قارشي‌ دوزه‌نيپ‌
نه‌ فراغت‌ ياتير سن‌ ال‌ - آياغينگ‌ اوزانيپ‌
اجل‌ ياتير كيمينده‌ اوقين‌ - يايين‌ گزه‌نيپ‌
محشر گوني‌ باراور ايمانينگ‌ني‌ قازانيپ‌
قوري‌ گلدينگ‌، بوش‌ گيتمه‌ آخر زمان‌ ايچينده‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی