كونگول‌ياتمازهيچ



الله‌ يادي‌ بيلن‌ تيريك‌ بولان‌ دل‌
گوز يومولماق‌ بيلن‌ كونگول‌ ياتماز هيچ‌
كونگول‌ بوستانينده‌ ايمان‌ تازه‌ گل‌
بير آچيلسا دورار سولوپ‌ ييتمز هيچ‌
 
بار نعمت‌دان‌ يگ‌ دير، ساغليق‌ مازاسي‌
بار قوللوقدان‌ ياغشي‌، حقينگ‌ رضاسي‌
اگر دوغري‌ گلسه‌، اجل‌ قضاسي‌
مونگ‌ يالبارماق‌ بيله‌ كونگول‌ گويتمز هيچ‌
 
ييگيت‌لر سوزومه‌ بير قولاق‌ آسينگ‌
دنيا دوست‌ليغي‌نينگ‌ ط‌اماسين‌ كسينگ‌
قايسي‌ يان‌ كوپ‌ بولسا عشقينگ‌ هوسينگ‌
ياتسانگ‌ تورسانگ‌ خيالينگدان‌ گيتمز هيچ‌
 
آدم‌ اوغلي‌ موندان‌ گلدينگ‌ گيتماگه‌
گوروپ‌دور سن‌، بارجاق‌ يرينگ‌ ياتماغا
جهد ادر سن‌ چالينيپ‌ جهان‌ توتماغا
مگر بو ايش‌لره‌ عقلينگ‌ يتمز هيچ‌
 
اي‌ جهان‌ ملكينده‌ گزن‌ سرفراز
بير بنده‌ من‌، كوپ‌ سوزله‌ييپ‌ بيلمن‌ آز
جهان‌ بازارينده‌، فلك‌ قمارباز
هيچ‌ سهو بيله‌ انسان‌ آني‌ اوتماز هيچ‌
 
آش‌ - سو بيله‌، گرچه‌ تافار تن‌ مازا
شيرين‌ سوز دير جان‌ قولاغينا گنگ‌ مازا
جان‌ اويوندن‌ خوش‌ نصيحت‌ آنگمازا
قاتي‌ داشه‌ دگن‌ سووينگ‌ اوتمز هيچ‌
 
مختومقلي‌ ييگيت‌ليك‌ بير ياز گورنر
جاني‌ ساغا مدام‌ صحبت‌ ساز گورنر
ياغشي‌ گونلر يوز ييل‌ گچسه‌ آز گورنر
يمان‌ گونلر آز هم‌ بولســــــا اوتمز هيچ‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی