گوردونگ‌مي‌؟!



ياغتي‌ سالار گيدر ظ‌لمات‌ تونونده‌
منينگ‌ صاحب‌ جماليم‌ني‌ گوردونگ‌ مي‌؟!
بهار اياميندا، هيهات‌ گونونده‌
منينگ‌ صاحب‌ جماليم‌ني‌ گوردونگ‌ مي‌؟!
 
عنقا صفت‌ توروپ‌، "هو!" دييپ‌ قالقان‌قوش‌
گيجه‌سي‌ تيريك‌دير، گونديزي‌ بيهوش‌
ردالي‌ جينده‌لي‌، اگني‌ خرقه‌پوش‌
منينگ‌ صاحب‌ جماليم‌ني‌ گوردونگ‌ مي‌؟!
 
قان‌ اديپ‌دير فلك‌ باغريم‌ فراقدا
المدام‌ گزر من‌ يار دييپ‌ سوراقدا
كعبه‌ اط‌رافيندا، شام‌دا، عراقدا
منينگ‌ صاحب‌ جماليم‌ني‌ گوردونگ‌ مي‌؟!
 
رومدا، قيپجاقدا، چين‌ ما - چيندا
زماهل‌ اورنوندا، عرشينگ‌ ايچينده‌
اقليم‌ دگره‌سينده‌، فلك‌ بورچوندا
منينگ‌ صاحب‌ جماليم‌ني‌ گوردونگ‌ مي‌؟!
 
عاشق‌لار آهيندا، قلزم‌ دوورينده‌
قب الاسلامدا، جيحون‌ بحرينده‌
سدره‌ صحراسيندا، عيسي‌ شهرينده‌
منينگ‌ صاحب‌ جماليم‌ني‌ گوردونگ‌ مي‌؟!
 
حضرت‌ علي‌ اتگچ‌ عالمگه‌ دعوي‌
قافدان‌ قافا دوشدي‌ حضرينگ‌ چاوي‌
يا اقليم‌ ايه‌سي‌ احمد يسوي‌
منينگ‌ صاحب‌ جماليم‌ني‌ گوردونگ‌ مي‌؟!
 
مسكن‌ توتميش‌ قارا داغينگ‌ بورنوندا
علي‌نينگ‌ ملكينده‌، عيسي‌ اورنوندا
يرينگ‌ آرقاسيندا، گوگونگ‌ قارنيندا
منينگ‌ صاحب‌ جماليم‌ني‌ گوردونگ‌ مي‌؟!
 
مختومقلي‌ چكر يارينگ‌ غميني‌
گزيب‌، تاپا بيلمز روي‌ زميني‌
يا آدي‌ جبراييل‌ ــ حقينگ‌ اميني‌
منينگ‌ صاحب‌ جماليم‌ني‌ گوردونگ‌ مي‌؟

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی