گوچرسن‌



مغرور اولما بو قوندوغينگ‌ يوردينگا
بي‌بقادير، اگلنمز سن‌، گوچر سن‌
ساقي‌ اجل‌ دور - دور سونديلار
سن‌ هم‌ باريپ‌، بير دورده‌ ايچر سن‌
 
بو رباط‌دا بير دينگلان‌ يوق‌، اوقان‌ يوق‌
باشلي‌ بازار، بير قورولغي‌ دكان‌ يوق‌
غمخانه‌دير، بللي‌ منزل‌ - مكان‌ يوق‌
بو مكانا گلميش‌ بولسانگ‌، گچر سن‌
 
آيراليق‌ يوركده‌ دردي‌ داغينگ‌دير
توبه‌ قيل‌ تانگريغا، ييگيت‌ چاغينگ‌دير
عمرينگ‌ شعله‌ اورسا، يورك‌ ياغينگ‌دير
ياغ‌ توكه‌نر، پلتانگ‌ يانار، اوچر سن‌
 
گل‌ بولار سن‌، قووانارغا گلابه‌
تنينگ‌ قوما دونر، خانانگ‌ خرابه‌
سونگونگ‌ سورما دونر، تنينگ‌ ترابه‌
دويماز - دولماز ير قوينوني‌ قوچار سن‌
 
دنيا دورار، هيچ‌ توكنمز بو غله‌
عمر بقا برمز، قيرق‌دير بير پله‌
اجل‌ اوتدور، تن‌ ميلتيق‌دير، جان‌ ـ گوله‌
رزق‌ داريگه‌ آتش‌ دوشسه‌، گوچر سن‌
 
ياغشي‌ ساعت‌،عجب‌ وقت‌دير، خوش‌ ايام‌
عمر آزدير، عقل‌ كوتاه‌، ايشينگ‌ خام‌
جان‌ بير قوشدور، دنيا ـ دانه‌، فلك‌ ـ دام‌
هاچان‌ موندان‌ قوتولار سن‌، قاچار سن‌
 
مختومقلي‌ سوزلار، سوزون‌ سونگلاماز
بي‌درد كيشي‌ دردلي‌ سوزون‌ دينگله‌مز
آقماق‌ سوزدن‌ هزل‌ ايله‌مز، آنگلاماز
عارف‌ بولسانگ‌،سوز معني‌سين‌ سچرسن‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی