گيديجي‌بولما



گل‌ اي‌ كونگلوم‌، سانگا نصيحت‌ قيلاي‌
 وط‌ني‌ ترك‌ اديپ‌، گيديجي‌ بولما!
اوزونگدن‌ اگسيك‌ بير غيري‌ نامردينگ‌
خذمتيندا قوللوق‌ اديجي‌ بولما!
 
خذمت‌ قيلسانگ‌ بولسون‌ بير اصيل‌زاده‌ 
 آتا-باباسيندان‌ بييك‌ بگزاده‌
هر چند اگر بولسا آچ‌ و افتاده‌
يانيندان‌ بير زمان‌ گيديجي‌ بولما!
 
آقمايين‌ قالمازدير بير آقان‌ آريق‌
بير تنده‌ آدام‌ كي‌، سميزدير آريق‌
بار يوزي‌ باروقدير، يوق‌ يوزي‌ چيريك‌
چيريك‌ دييپ‌، قاتي‌ سوز آيديجي‌ بولما!
 
ياغشي‌لاردان‌ هرگيز چيقماز يامانليق‌
اصلي‌ يامان‌ بولسا، چيقماز ياغشي‌ليق‌
اصليغه‌ دارتادير يووريك‌، چامانليق‌
يووريك‌ني‌ چامانغا ساتيجي‌ بولما!
 
بير نصيحت‌ بره‌ي‌، پنديمني‌ آلسانگ‌
امتياز ايله‌گيل‌، اوتورسانگ‌ - تورسانگ‌
ايندگ‌سيز - خبرسيز بير يره‌ بارسانگ‌
كيشي‌ آشي‌نينگ‌ دوزين‌ داديجي‌ بولما!
 
چاغيرلان‌ يره‌ بار، اوتورغيل‌، تورما
چاغيريلماغان‌ يره‌ گورونمه‌، بارما
اويالماس‌ كيشي‌ دك‌ سويره‌نيپ‌ يورمه‌
بويرولماقات‌ ايشي‌ اديجي‌ بولما!
 
اگر سن‌ هم‌ بولسانگ‌ نرم‌ و ملايم‌
 سن‌ ملايم‌ بولسانگ‌، قولونگ‌ بولاييم‌
قولاغيما برگن‌ پندينگ‌ آلاييم‌
كيشي‌گه‌ قاتي‌ سوز آيديجي‌ بولما
 
نم‌ دوشمه‌سه‌ گوكدن‌ ير ني‌ گوترمز
ييغيلسا مونگ‌ قايغي‌، بير ايش‌ بيتيرمز
ار ييگيت‌ كونگلونه‌ قايغي‌ گتيرمز
نامرد اوغلي‌ ديين‌ قايغي‌چي‌ بولما
 
مرد اوغلي‌ دير، ايلگه‌ يايار دسترخان‌
دوغري‌ سوز اوستونده‌ برر شيرين‌ جان‌
عمريني‌ اوتگريب‌  دييمس‌ دير يالان‌
جهد ايلاپ‌، يالان‌ سوز آيديجي‌ بولما
 
سخت‌ دل‌ كوكره‌گي‌ هرگز بوش‌ بولماز
هر نيچه‌ قاتلانسا، كونگلي‌ خوش‌ بولماز
ايكي‌ ياغشي‌ بير-بيروگه‌ دوش‌ بولماز
ياغشيني‌ يامانا چاتيجي‌ بولما
 
توكل‌ نر ارر، انديشه‌ - مايه‌
 كونگلونگني‌ ايبرمه‌ هر قايسي‌ جايه‌
بارچانينگ‌ ايشانجي‌ قادر خدايه‌
 الله‌دان‌ اوزگاگه‌ سوينجي‌ بولما
 
اوقور بولسانگ‌، اوق‌ اور نفسينگ‌ گوزونه‌
قارا، چين‌ گوز بيله‌ مصحف‌ يوزونه‌
آلدانيپ‌ گيرمه‌گيل‌ شيط‌ان‌ سوزونه‌
الله‌نينگ‌ امريني‌ قويغوجي‌ بولما
 
اگر بولسون‌ دييسنگ‌ ينگيل‌، آغيرلار
چيقغيل‌ بير يانا، تا، بريان‌ باغيرلار
يولوقسا گوزونگه‌ گنگ‌ و ساغيرلار
 اولارينگ‌ حاليغا گولوجي‌ بولما
 
كيچي‌ليكدن‌ عبادتغه‌ بويون‌ قوي‌
 قيامت‌نينگ‌ اويون‌ قيلسانگ‌، اويون‌ قوي‌
ترك‌ اديپ‌ دنياني‌، ذوق‌ و تويون‌ قوي‌
بير فنا يولوغا، قايغوجي‌ بولما
 
اوروغليق‌ من‌ دييمه‌، تانگلا اوروغ‌ بار
 حساب‌ و نامه‌ و وزن‌، سوراغ‌ بار
يالانچي‌ بنده‌ميز، سانسيز دوراغ‌ بار
 بيليپ‌، يالغان‌ سوزني‌ آيديجي‌ بولما
 
مي‌ايچسنگ‌ مرتبه‌ هزار حشرده‌
اوت‌ني‌ اور كعبه‌گه‌ ط‌ريق‌ كنجده‌
قرآني‌ كويدوريب‌، بت‌غا قيل‌ سجده‌
مردم‌غا آزار ايش‌ اديجي‌ بولما
 
گر تاپسانگ‌ دنياده‌ ملك‌ اسكندر
 قارونينگ‌ مالي‌ هم‌ بولسا ميسر
آخري‌ بولار سن‌ يرگه‌ برابر
كونگولده‌ من‌-منليك‌ اديجي‌ بولما
 
اگر چندي‌ بولسانگ‌ صاحب‌ منصب‌
سوزون‌ دينگله‌،كونگول‌ بوزغينچا تنگلاپ‌
سوز تاپسانگ‌ سوزله‌گيل‌، تاپماسانگ‌، بول‌ خف‌
قولدان‌ گلمز ايش‌ني‌ اديجــــــــي‌ بولما
 
دانگ‌ آتسا، ملا لار چاغيرار اذان
 بوزولمازدير هرگيز قسمت‌ده‌ يازان‌
ييگيت‌ليك‌ بوستان‌ دير، قارريليق‌ - خزان‌
 تسبيحدن‌ اوزگه‌ سوز آيديجي‌ بولما
 
آيدارلار:"ييرتيق‌ دون‌ گورسه‌، ايت‌ قاپار"
"پالي‌ يامان‌ بنده‌، خدادان‌ تاپار"
آخري‌ بير گوني‌ قيلار سن‌ سفر
دار كونگول‌ فعليني‌ توتويجي‌ بولما
 
كتابين‌ آچيبان‌ اوقيپ‌ ملا  ديير
گوگره‌دير ياغمير سووي‌ بيرله‌ ير
آلقيشي‌ فاتحه‌ دعا بيلنم‌ ار
مظ‌لوم‌غا ستم‌ليك‌ اديجي‌ بولما
 
عزت‌ اتگن‌ بيله‌ كيشي‌ باي‌ بولماز
هر نيچه‌ قاتلانسا، ملكي‌ شاي‌ بولماز
جهاني‌ تلخ‌ اديپ‌، كونگلي‌ جاي‌ بولماز
جنتده‌ جايينگدان‌ گيديجي‌ بولما
 
قارريليق‌ گلگيسي‌ بير گون‌ آفتي‌
ييگيت‌ليك‌ گيتگيسي‌ بير گون‌ قواتي‌
غنيمت‌ بيل‌، غافل‌، بو دم‌ - فرصتي‌
 مرده‌ دك‌ اوزانيپ‌، ياتيجي‌ بولما
 
ايت‌نينگ‌ باله‌سيني‌ توله‌ آزديرار
خوجاسيني‌ گچيرر، بنده‌ يازديرار
آرغوماق‌ باله‌سي‌  بارا اوزدورار
 بنده‌ سن‌، خوجانگا يازغيجي‌ بولما
 
دولت‌لي‌ اوغوللار ياشدا باش‌ بولار
 ياشاديقچا، بي‌دولت‌لر ياش‌ بولار
بي‌رحم‌ ظ‌المينگ‌ باغري‌ داش‌ بولار
بارار يرگه‌ كسك‌ آتيجي‌ بولما
 
ار اوغول‌ باله‌سي‌ بارا بي‌ بولار
قامچي‌نينگ‌ آستيندا يامان‌ اي‌ بولار
معركه‌ گورمه‌گن‌ ييگيت‌ ني‌ بولار
 گلر - گلمز سوزي‌ آيديجي‌ بولما
 
مومنينگ‌ كينه‌سي‌ كتن‌ رويمالي‌
قورايانچا بولار ارميش‌ مثالي‌
كونگلونگ‌نينگ‌ كينه‌دن‌ ايله‌گيل‌ خالي‌
كوپور دك‌ كيناني‌ توتوجي‌ بولما
 
اي‌ كونگول‌، گلگيل‌ سن‌، حق‌ني‌ تاپالي‌
 نفسيميز مركب‌ني‌ مينيب‌ چاپالي‌
آيدارلار: حق‌ ارميش‌ مهر و وفالي‌
 شول‌ سوزوندن‌ هرگز قايديجي‌ بولما
 
حق‌ ارميش‌ بنداگه‌ ياقيندان‌ - ياقين‌
 كيم‌ نصيب‌ ايله‌سه‌ محبت‌ چاقين‌
جاي‌ به‌ جاي‌ گتيرسنگ‌ بنده‌ليك‌ حقين‌
خوجانينگ‌ بويروغين‌ قويوجي‌ بولما
 
من‌ دييديم‌ بير نيچه‌ پند و نصيحت‌
بيلسنگ‌ نصيحت‌ دير، يوغسا فضيحت‌
فضيحت‌ بيلمه‌گيل‌، بيلگيل‌ نصيحت‌
 يالانچي‌ سوزلري‌ آيديجي‌ بولما
 
مقصد ـ بو سوزلرني‌ قيلغيل‌ اعتبار
 عمد العمره‌ مهتر ايناق‌ بار
آنگلاماي‌ سوزله‌مه‌: "تامدا قولاق‌ بار"
ايچ‌ سيرينگ‌ كيشي‌گه‌ آيديجي‌ بولما
 
مختومقلي‌، كونگولده‌ كوپدور آرماني‌
 تاپمادي‌ عاقبت‌ درده‌ درماني‌
يتيشر بير گوني‌ تانگري‌ فرماني‌
روز و شب‌ غفلتده‌ ياتيجي‌ بولما

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی