گيتمه‌دينگ‌دنيا



بير عيبينگ‌ آيتسام‌ سنينگ‌ يوزونگه‌
 هيچ‌ كيم‌ بيله‌ يولا گيتمه‌دينگ‌ دنيا
اونگكي‌ گلن‌لره‌ محبت‌ اتدينگ‌
 سونگقي‌لارا ناچون‌ اتمه‌دينگ‌ دنيا
 
ايندي‌ سوزله‌ كيمي‌ برقرار اتدينگ‌
  نيچه‌ كدخداني‌ خواري‌-زار اتدينگ‌
سليمان‌ تختيني‌ تارومار اتدينگ‌
  يوسف‌ني‌ قول‌ دييپ‌ ساتديردينگ‌ دنيا
 
نيله‌دينگ‌ سلط‌اني‌ اولدوردينگ‌خاني‌
  شاه‌ كيكاوس‌ني‌ رستم‌ زال‌ني‌
ديولره‌ حكم‌ ادن‌ اول‌ سليماني‌
  اولار بيلن‌ يولا گيتمه‌دينگ‌ دنيا
 
ييگيت‌ گرك‌ ميدان‌ ايچره‌ ديك‌ دورار
  اوق‌ بيلن‌ ييگيده‌ يايلار آتيلار
بابا عمر قاچدي‌ بلكه‌ قوتيلار
 اوني‌ قاوا-قاوا توتدينگ‌ سن‌ دنيا
 
مختومقلي‌ سندن‌ قورقار يوره‌گيم‌
 حق‌ يانيندا قبول‌ بولسون‌ ديله‌گيم‌
حسن‌-حسين‌، عرشي‌-كرسي‌ گره‌گيم‌
 كربلادا شهيد اتدينگ‌ سن‌ دنيا

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی