گولن‌بارمي‌؟



 اي‌، يارانلار، مسلمانلار
آغلامايين‌، گولن‌ بارمي‌؟
يالانچي‌ فاني‌ دنياده‌
گيدن‌ قايديپ‌ گلن‌ بارمي‌؟
 
فلك‌ كيملرني‌ شاد اتدينگ‌؟
كيمني‌ غمدان‌ آزاد اتدينگ‌؟
بير نيچه‌لرني‌ مات‌ اتدينگ‌
سندن‌ راضي‌ بولان‌ بارمي‌؟
 
كيمسه‌ وفا تخمين‌ اكر
كيمسه‌ اجل‌ زهرين‌ ايچر
كيمني‌ غمدان‌ آزاد ادر
سارالمايين‌، سولان‌ بارمي‌؟
 
بيلديم‌ بو دنيا چاغليغين‌
غم‌ غفلتدا اوياغليغين‌
خسته‌ بولمايين‌، ساغليغين‌
غنيمتين‌ بيلن‌ بارمي‌؟
بو دنيا ايكي‌ فراقدير
بيري‌ قارا، بيري‌ آقدير
منزل‌ ايكي‌، يول‌ ييراقدير
آنينگ‌ فكرين‌ قيلان‌ بارمي‌؟
 
مختومقلي‌، گلر، گچر
بو گذرده‌ قونان‌، گوچر
ييگيتليك‌ چراغي‌ اوچر
بول‌، سوزومده‌ يالان‌ بارمي‌؟  

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی