گله‌منگزار



اي‌ يارانلار، ياغشي‌ يارينگ‌
قويني‌ جنت‌، گله‌ منگزار
سوزله‌سه‌، درلر ساچيلار
ديل‌لري‌ بلبله‌ منگزار
 
عشق‌ اودي‌ يانديردي‌ بيزي‌
سورامانگلار مندن‌ سوزي‌
يارينگ‌ ايگي‌ قيزيل‌ يوزي‌
گويا آيه‌-گونه‌ منگزار
 
نالر چكديم‌ درد فراق‌
يتاي‌ دييسم‌، يولوم‌ ايراق‌
قلم‌ قاشلي‌، بادام‌ قاباق‌
ساچلاري‌ سنبله‌ منگزار
 
زلف‌لرينه‌ اوروب‌ شانه‌
مني‌ اول‌ قيلدي‌ ديوانه‌
گويا اول‌ - شمع‌، من‌ - پروانه‌
يانديم‌، تنيم‌ كوله‌ منگزار
 
كوين‌ يوق‌ دنياده‌ منچه‌
ديدار گورمك‌ يوق‌ دويينچه‌
ديش‌لري‌ در، آغزي‌ غنچه‌
بيلي‌ اينچه‌ ـ قيله‌ منگزار
 
گوزي‌ نرگس‌، بويي‌ شمشاد
كيرپيك‌لري‌ مثلي‌ فولاد
پري‌ پيكر سروي‌ آزاد
دسته‌ - دسته‌ گله‌ منگزار
 
گووسينده‌ بار قوشه‌ ناري‌
آق‌ يوزونده‌ جوره‌ خالي‌
لب‌لريندن‌ آقان‌ بالي‌
شهد ايله‌ شكره‌ منگزار
 
اوزونه‌ كوپدور بناسي‌
گييپ‌ رنگ‌ برنگ‌ لباسي‌
الينه‌ قويان‌ حينه‌سي‌
گويا قيزيل‌ خونه‌ منگزار
 
مختومقلي‌، بولدونگ‌ خراب‌
ايستاب‌ تاپمان‌ ياري‌ سوراپ‌
اوتوريشينگ‌ يولا قاراپ‌
يول‌ تاپماديق‌ كوره‌ منگزار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی