گلن‌- ده‌باردير



گونده‌ يوز مونگ‌ گوچ‌ هم‌ بولسا اول‌ دنيا
 اول‌ مقدار بو دنيا گلن‌-ده‌ باردير
يوز مونگ‌ آقماق‌ بولوپ‌، گيتسه‌ رايينا
يوز مونگ‌ اوزون‌ يولا سالان‌-دا باردير
 
يوز مونگ‌ درويش‌ سينه‌ داغلاپ‌ اوتورغان‌
 رياضت‌دا بيلين‌ باغلاپ‌ اوتورغان‌
نيچه‌ يرده‌ گورسنگ‌، آغلاپ‌ اوتورغان‌
نيچه‌ يرده‌ بي‌غم‌ گولن‌-ده‌ باردير
 
سيران‌ اتسنگ‌ بو دنيانينگ‌ دورت‌ بورجين‌ 
قاريشيپ‌ دير حلال‌، حرام‌، ارواح‌، جين‌
نيچه‌لر تميزلاپ‌ يول‌ گيدرلر چين‌
 نيچه‌ يوز مونگ‌ گمراه‌ بولان‌-دا باردير
 
اوغورسيز اياملار، آنگلاماز ارلر
 كاشكي‌ سوران‌ بولسا، ساچايديم‌ دورلر
قاني‌ اول‌ سليمان‌، رستم‌لر، شيرلر
دييمه‌، بوسوپ‌، سيپيپ‌، قالان‌-دا باردير
 
مختومقلي‌، كونگله‌ قايغي‌ گتيرمه‌
بو بير ايش‌ وقتي‌ دير، اوزونگ‌ ييتيرمه‌
سوزوم‌ آنگلان‌ يوق‌ دييپ‌، اومسوم‌ اوتورما
جهان‌ گينگدير، چندان‌ بيلن‌-ده‌ باردير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی