گلدي‌يارانلار



زمان‌ آخر بولدي‌، الحذر ايلانگ‌
رسول‌ سوزي‌ بير-بير گلدي‌، يارانلار!
قالمادي‌ عدالت‌ بگ‌ و خانلاردا
يوردا ظ‌لم‌ و ستم‌ دولدي‌، يارانلار!
 
عالم‌لار علمينا عمل‌ اتمه‌دي‌
قرآن‌ اوقيپ‌، معنيسينا يتمه‌دي‌
ايله‌ آيديپ‌، اوزي‌ بيرين‌ توتمادي‌
ايلدن‌ پنهان‌ گناه‌ قيلدي‌، يارانلار!
 
قاضيلار حكميني‌ ريا ايله‌دي‌
رشوت‌ آليپ‌، يوزون‌ قارا ايله‌دي‌
اوزونينگ‌ جانينا بلا ايله‌دي‌
گورگه‌ ييلان‌- ايچيان‌ دولدي‌، يارانلار!
 
بيرنيچه‌ گمراه‌لار ايمان‌ آتاندي‌
ايمانيني‌ قوي‌-قوزيغا ساتاندي‌
بويني‌ يوغينلارني‌ مريد توتاندي‌
يالان‌ سوز ايمانين‌ آلدي‌، يارانلار!
 
بير نيچه‌ كافرلار تره‌زي‌ تارتار
نفسينينگ‌ ايزيندان‌ ايت‌ كيبي‌ يورتار
آرتيق‌ ايلاپ‌، اوتغا جانلارين‌ آتار
ويل‌ دييگن‌ چاه‌دا قالدي‌، يارانلار!
 
ويل‌ ديين‌ قودوق‌ دوزخ‌ آستيندا
نعره‌ تارتار تره‌زيبان‌ قصديندا
آچيلار ايشيگي‌ دوزخ‌ اوستونده‌
تره‌زيبان‌ حالين‌ بيلدي‌، يارانلار!
 
بيچاره‌دير سويتخور، بيرنيچه‌ آقماق‌
اول‌ ايش‌ بيله‌ بولار كافر مط‌لق‌
گوروندن‌ اوت‌ چيقار نه‌ چاقلي‌ آنچاق‌
سويتخور زماناسي‌ گلدي‌، يارانلار!
 
توبه‌ قيل‌، فراغي‌، آخرزماندير
بو ايشلر هر كيمده‌ بولسا ياماندير
ايمانلي‌ قول‌، ايكي‌ دنيا آماندير
گل‌ آچيليپ‌، چمن‌ سولدي‌، يارانلار!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی