گچمه‌لي‌دنيادير



اي‌، يارانلار، مسلمانلار
گليپ‌، گچمه‌لي‌ دنيادير
قوربي‌ يتن‌ قوچ‌ ييگيت‌لر
دوكوپ‌ - ساچمالي‌ دنيادير
 
هيچ‌ كيم‌ موندا توتماز اورون‌
ساغليقدا دوكوپ‌ - ساچ‌ بارين‌
مونچا ييغناپ‌، ناتدي‌ قارون‌
تاشلاپ‌ قاچمالي‌ دنيادير
 
بو دنيانينگ‌ غمين‌ ايير سن‌
آدم‌ اوغلي‌، بيل‌، اولير سن‌
پر دوشه‌گي‌ قاتي‌ ديير سن‌
يرني‌ قوچمالي‌ دنيادير 
        
ظ‌لم‌ ياغار باشلارينگا
آوي‌ قاتار آشلارينگا
موندا ادن‌ ايشلرينگه‌
حساب‌ گچمه‌لي‌ دنيادير
 
مختومقلي‌، اوقيپ‌ قرآن‌
خدادان‌ ديله‌گيل‌ ايمان‌
هر ييگيت‌ اولسه‌ بي‌نشان‌
اورني‌ اوچمه‌لي‌ دنيادير

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی